[رواياتي📖📚 ( ۦٰ musabko,┋❥ ͢˓🦁💛ۦ)]
#حب_من_نوع_اخر
-١-
محمد :صباح الخير ي عرووسه 😍
ايمان :صباح النور😊 هو الساعه كم
محمد:الساعه اتنين وتلت انا نازل اجيب اكل يلا ي كسلانه صحصحي😘
ايمان :حاااضر😃
تعالو نشووف ابطال الروايه. ايمان بت سمراء وشبه قصيره بس م قصيره شديد مربوعه كدا جسمه حلوو مقسم شعره اسود طويل عيونه سوداء وواسعه يعني حلاته شديد عمره ٢٢سنه لسه م خلصت جامعه بتقراء طب جامعه الخرطوم هي بت واحده بين اربعه اولاد هي جايه ف النص ناس بيته بحبوها شديد لانها طيبانه ومديه البيت طعم عندها كميه من الصاحبات
محمد شاب طويل حلبي عندو سكسوكه عيونو بنيه عمرو ٣٤سنه شغال مهندس ف شركة معروفه ووضعو ممتاز عندو اخوين واخت وابوهو متوفي وهو كبير البيت هو وايمان كان عرسم امبارح زواجم كان تقليدي
.
.
.
.
نرجع لي ايمان
ايمان صحت صلحت السرير دخلت اخدت دش اتوضت وصلت بعد انتهت صلاه لبست ليها فستان اسود بوردي وختت روج وردي وعملت شعره ضنب حصان كانت ايه من الجمال😍شويه كدا جاء محمد دخل المطبخ ايمان مشت ليهو
ايمان :جبت اكل 😊
محمد:ايوووه جبت ي قمر انتي 😍
ايمان:يسلموو😊يلا خليني اجهزو😎
محمد:وحياه الحلاوه دي اعملوو انا😍وشال بوسه من خدها 😘
ايمان ؛ااااااحسن ريحتني😝يلا انا ماااشه وانجز انا جعانه
محمد؛اوووكي سعادتك تامر بشي تاني😊
ايمان؛لا تسلم ي عمك بس اهم شي الاخلاص 😂
محمد:يلا ي بت من هنا😡
ايمان مشت قعدت ف التلفزون وقعدت تتذكر حياته قبل ٦شهور كانت مختلفه ١٨٠درجه😔😔
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٢-
ايمان قعدت ف الكنبه وقعدت تذكر لما كانت ف المحاضره وتلفونه دقه وعملتو صامت وكانت مستنيه بتين المحاضره تنتهي عشان ترجع لي الزول الاتصل بس المحاضره انتهت بجاي ايمان اتصلت بجاي
ايمان:الووووووو
حازم:حبيبتي انا😍
ايمان:حزومه قلبي براي😘
حازم:صباح الخير ي انا😍
ايمان:صباح النور اسه انت متصل من الصباح مالك اصبحنا واصبح الملك لله😒
حازم:لاحوله ولا قووه الا بالله وبعدين انتي لاقياني وين ي رمه😏
ايمان: وانت تطلع شنو اساسا😒
حازم:كدي خلينا من لماضتك دي من الصباح😒اووول شي انا مووشتاق ليك😘تاني شي عندي ليك خبر حلو حلو😍
ايمان :ووانا ذاتي مشتاقه ليك😘يلا احككي الخبر الحلو الشمار كتلني😊
حازم:بلاي م ح احكي ليك الا وجهه لوجهه عشان اشوف خلقتك بتبقا كيف😏
ايمان: كووويس ي جزمه😒
حازم:ح اجيك بعدين ف الجامعه واحكي ليك
ايمان:اوووكي يلا كت يور فيس اسه ي جزمه😜
حازم:كويس ي بايره ي بقره ي باااااااااااااايره
ايمان: حاااااازم😡😡
تعالو احكي ليكم عن حازم حازم شاب طوويل اخضراني عيونو حلوه وعندو غمازات وعندو ضحكه ي ساتر وجسمو رياضي ولبيس لبيس شديد (ا حي كسرني😂) عندو اخوهو الكبير ف السعوديه وعندو اختو متزوجه وعندو اخوانو توؤام بقرو هندسه ف السودان امهم م بتفرق بيناتم و عندو كمان اختو صغيره ف الثانوي اهلو وضعم عادي حازم قراء مختبرات واسه انتهى الخدمه اتعرف علي ايمان ف اول يوم. ف الجامعة عجبتو ايمان عشان بسيطه ورقيقه وخجوله بس مع الزمن اكتشف انو لسانه اطول منها ايمان عحبه بوجاهتو ودمو الخفيف وبتريدو بتريدو شديد (انا ذاتي بريدو😂)
نرجع لي ايمان
ايمان قاعده ف الكفتريا وتلفونه رنه
ايمان: الوووو
حازم:وينك حبيبه😍
ايمان: بلا حبيبه بلا بطيخ انا راجياك ف الكفتريا لي نص ساعه😒
حازم:اهدي ي بقره جنبك بس م يكون صحباتك المعاطات ديل قاعدات و اسه اكون
ليك نص دقيقه عارف حركاتك انا😒
ايمان: اوول شي صحباتي م معاطات😒تاني شي انجز سريع ولا هسه اقوم امش اهلي😒
حازم:تقوم شنو اقوليك جنبك ي بقره انتي😒
حازم جاء داخل الكفترياء وشاف حبيبتو قاعدة هناك لما شافه ابتسم لا ارادي😊 ايمان شافت الابتسامه قلبه قال شح💗
حازم:سلام😊
ايمان:اقعد
حازم: موووشتاقين 😘
ايمان :كتير😍
حازم:شنو لابسه اسود م عارفاني م بريدو 😒
ايمان: تريدو م تريدو مشكلتك دا لوني المفضل😡
حازم:دقيقه دقيقة دا شنو الروج الكتير دا الليله بكتلك 😡
ايمان:خلاص خلاص مسحتو بالمنديل😧
حازم:بطلقك و الله بطلقك انا😒
ايمان: هوووي انت لاقيني وين😒
قطع شكلتم بتاع الكفترياء جاب عصير فراوله بالحليب وبرتقال
حازم: حبيتي انا 😘عرفتي من وين نفسي ف فراوله😍
ايمان: حفظتك انا م عارفه العصير دا بتحبو كيف انا بكرهو وبعدين م تفرح الحساب عليك😜
حازم:ي بت من الذي بعثك لقتلي ووويحك😒فاقعه مرارتي انا ذاتي شكيت فيك مستحيل تعزميني
ايمان😂😂😂😂ارح ا حككي الشمار كتلني
حازم :يلا ي ستي هم خبرين واحد حلو والتاني كعب تسمعي ياتو
ايمان: اممممممم الحلو 😊
حازم :انا الشهر الجاي عايز اجي اشرب عصير فراوله مع ابوك😍
ايمان: ليه يعني م عندكم عصير ولا م عندكم خلاط😒
حازم: اللهم لا اعتراض ف حكمك البت دي بلوه ي رب كفر لي بيها سيئاتي كلها م تخلي ولا حبه عايز اجي اخطبك ي نعجه انتي ??
ايمان: شنوووو😳ووواي سجمي النبي جد عليك الرسول انت جادي احلف وووواي م مصدقه قلبي ح يطير ووواي
حازم:😂😂 اي ي بايره والله عايز اخطبك اخيرا بورتك ح تفك ي بايره😂زغرتي
ايمان: دقيقه اووول شي تقعد ع ركبتك وتخطبني واحتمال ارفضك ليه انا بتخطب كم مره😒
حازم: نعمممم اقعد شنو والله دا قعاد دي هباله وبعدين بعملوها الكفار عايزه الناس اضحكو فيني 😒
ايمان:خلاص خليناها ي رجعي😠
حازم:احسسسسن😒يلا اسمعي التاني
ايمان: يلا احكي الخبر الذي وشك😒
حازم:ي بت انت لسانك دا عسل كدا مالو😒م بسالك اصلي م بسالك😒
ايمان: خير وبركه😒
حازم :اسمعي ي ستي اخوي جاب لي عقد السعودية ح اسافر واشتغل ف مستشفى كبيره بمرتب عالي اقعد سنه ولا سنه ونص
ايمان: شنووو😳تسافر والله م بتسافر😨تخليني لمنو😭😭😭ودموعه جرو
حازم:ي هبله انا مسافر عمري كلووو كلها سنه واجي ح ابعد عنك شويه عشان تكوني جنبي باقي العمر انت فاكره اني مبسوط عشان ح ابعد عنك كلها كم شهر واجيك ساير والله اخليك تكبي فيني اللبن ف الجرتق حقنا ونتلمه ف بيتنا ونجيب حلا المعاطانا بيها دي 😘م تبكي ي عويره ف واحده بتبكي عشان بورته ح تفك😜
ايمان :كلب عواليق واسه كان م جيت وعرسته واحده هناك😒
حازم:م عندي مانع لو لقيت بت الحلال😜
ايمان: حااااازم😡
حازم:ههههههههه خلاص خلاص ي بت انا انت عندي ف كفه وبنات الدنيا ف كفه قعد اغني ليها انا غير هوواك م لي غرام اطمني بعد المحنه العشتها تاني العشق بعدك حرام اطمني😍
ايمان: وواي خلاص اسكت فضحتنا انت قايل عندك صوت😒
حازم:خلاص يلا ي هامله اوديك
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
الييت😒
ايمان: ارح😊
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٣-
بالمساء ايمان كانت بتتكلم مع حازم بالتلفون
حازم:ي زفته
ايمان: بقولو مساء النور😒
حازم:طيب مساء النور ي زفته😜
ايمان: حازم والله انا فترته من رومانسيتك دي انا خلاص قررت اطلب الخلع😒
حازم:تخلعي وين ي كلبه انتي خلاص بقيتي جاريه ف العروق انتي عارفه لو فحصو دمي ح يلقو هديك ايمان ام جضوم تتقدل😍
ايمان: بغض النظر عن بعض الالفاظ بس كلامك حلو😍اااحبك انا😘
حازم:ووانا اموووت ف بقرتي😏
ايمان: ماااااااشي😕
حازم: كلمتا ناس البيت بالخطوبه وانبسطو وقالو عايزين اشوفوك وريتم صورتك المطلعه فيها لسانك حاجه سميه قالت لي ماله التقول مخلقنه شفتي كيف حاجه سميه عرفت عوارتك من غير م تشووفك😆
ايمان:شنوو😳حازم وحياه الله بكتلك وبخش بيك النار
حازم:😂😂😂😂ي بت انتي من غير م تكتلني خاشه النار انتي وابولهب دفعه واحدة ي يهوديه وبعدين م وريتم صورتك ولا شي قلت اخليهم اتصدمو بشناتك بعدين 😘
ايمان: حازم انت بتجيب الجلطه ووذي م عارف عرس احمد اخوي باقي ليهو ١٠ايام من اسه وريتك ح اشتري فستان اسود😏
حازم:ماشي ي ستي بخليك تعملي الدايراهو بس بعد الخطوبه نفس م ف ليك واكون ف علمك كان مرة جيبيهو ضيق و لا فيهو خطوه بكتلك واقدري طلعي شعرك كان شفت سبيبه بحلق ليك صلعه الشعر دا حقي براي م ف زول اشوفو غيري😒
ايمان :كووويس ي حازم ف اي اوامر تانيه 😒
حازم: لا م ف ي بقره😎وبعدين اخوك دا جادي عايز يعرس البت الشريره دي
ايمان: يخسي عليك مرام حلاته وطيبانه حسستني انك بتعرفه لو م شفتها ف صوره بس
حازم: م عارف حاسي بيها كعبه انا بعرف الزول من اول مره ذي لما شفتك حسيتك كلبه ولسانك طويل😒
ايمان :كووويس😒 خلاص يلا اقطع وشك نعست انا 😪
حازم:شنو هو طرد م ف تصبح ع خير حبيبي واتغطا كويس كلام الكفار دا يعني 😶
ايمان :م ف ليك اي كلام كافره ولا كافره انا😒
حازم:خلاص خلاص م تتفتحي فيني ي ام لسان طويل يلا ي بااااااايره😜
ايمان: حاااااازم😡
تيت تيت قفل الخط
المهم باقي الايام ايمان بقت مع تجهيزات العرس وجري السوق وحازم بقاء ف اجراءات سفرو بقو بتكلمو ف اليوم مره واحده بس لانهم مشغولين شديد جاء يوم حنه احمد عاملين حفله فيها اهلم بس ايمان كانت لابسه فستان بالكحلي وفاكه شعره وعامله ميكب عادي بس كانت احلا واحده ف الحفله جو خاشين اصحاب احمد ايمان م كانت عارفه ف اولاد ح يجو قايلاهم اولاد اهله بس طوالي مشت لبست طرحه بس شعره كان ظاهر من تحت الطرحه العريس حننوهو والناس ترقص ومبسوطين ايمان كل شويه تجي تزغرت لي احمد ف اضانو وتضحك
احمد:ايمان كفاك ح اطرش بعد دا😒
ايمان: ههههههه استحمل القاليك عرس منو 😜
احمد:ماااشي بوريك بعد ارجعو لي كرعي 😒
ايمان:ابشر ابشر ي العريس 😂
احمد:تعالي هاك قربي😘
ايمان ؛م تعضيني وباسه احمد ف خدها وهي ذاته باستو وقالت ليهو ربنا اسعدك اخوووي😍 ورجعت ترقص وايمان بتحب اهله شديد كل مره تشاغل زول براهو وترقص ساي مع انو رقيص اشتر وتضحك كانت حلاته اليوم داك ف زول مع الناس القاعدين كان مركز معاها شديد م شال عينو منها نهاي دا كان محمد مدير الشركة الشغال فيها احمد وصاحبو ف نفس الوقت عجبتو ايمان شديد
جاء يوم العرس والناس جايطه ايمان جات ماشه وشايله صينيه عصير كورك ليها احمد كان واقف معاهوو محمد
احمد:ايمان ايمان
ايمان:ايووووا اها ي العريس ايوووي ابشر ابشر😂
احمد:ي بت انا فترتا منك بجدعك بالحيطه دي اسه😒
ايمان :ههههههه خلاص سكتنا 😂
احمد:سلمي علي محمد صاحبي
ايمان: اهلين مش انت مدير و ف الشغل طبعا احمد اخوي يومي بنبز فيك زيد ليهو المرتب ياخي😂
محمد:شنو😳ليه كدا ي احمد
احمد:لا ياخي البت دي مستهبله😒
ايمان :ههههههههه م قال شي بس بعد العرس ح ينبزك بعون الله😂
محمد:انا اساسا م بديهو فرصه احمد دا حبيبي
ايمان:لا له ياخ دا حبيب مرام بعد دا
محمد:هههههههه اي و الله ع قولك
احمد:شنوو ي جماعه ح تشتغلوني 😒
ايمان:خلاص خليتك ذاتي م فاضيه ليك فرصة سعيده ي محمد😊
محمد:يسعد ايامك☺️
ايمان:احمد
احمد:اي
ايمان: ايوووووووووووووووووووووووي😂
خلاص الناس اتغدواء وبدو اقشرو للصاله و العريس مشا اتظبط المهم الحفله بدت و الضيوف وصلو ايمان مشت لبست ف الكوفير وجات ايمان الصاله كانت لابسه فستان اسود مع جسمه حاجه عجيبه وعامله ميكب هادي مظهر ملامحه الحلوه ومطلعه شويه شعر بالجنبه والباقي عاملاهو ضنب حصان وخاته فيهو طرحه بالدهبي ولابسه جزمه عاليه بالدهبي ولابسه اسوره طالعه رهيبه جات داخله معاها امها رجاء لابسه توب اسود مشغول بالدهبي (اشي عاد طقيم شديد😂) اخوان ايمان اكرم وانس وامجد (م عارفه ابوهم عاجبو ف حرف الالف شنو😒)جو لابسين مع بعض جكت بالرمادي وقميص اسود وبنطلون بالبيج وجزمه سوداء ماشاء الله قرض بس امهم كانت بتتوحم ف شنو م عارفه 😂شويه كدا العرسان وصلو والزفه بدت احمد كانت طالع ف البدله السوداء خرافي ومرام ذاته حلوه كانت. رقصو مع بعض
بعد داك الناس باركت ليهم
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
والحفله و الناس هايجه حت ذي الحت حتى حاجه رجاء حتتو قرض وايمان رقصت مع ابوها واخوانه والعرسان اي زول ادتو حقو بعد شويه وهي واقفه جنب العرسان زول لكزه ايمان قبلت عليهو
محمد:اخت العريس المجنونه☺️
ايمان: ههههههه اهلين😊
محمد:ماشاء الله طالعه حلوه😍
ايمان :تسلم كتير😊وانت برضو البدله شغاله😃
محمد:ههههههه تسلمي سمعته انك ح تبقي لينا دكتوره😊
ايمان: هههه ان شاء الله
محمد:ربنا اوفقك اها بتعرفي تقيسي ضغط وكدا
ايمان: اكييييد دكتوره انا😊
محمد:الحاجه عندها ضغط ممكن تلفونك امكن نحتاج ليك☺️
ايمان: هههههه جدا 09طيب عن اذنك 😊
محمد:اتفضلي اتفضلي 😍
ايمان مشت كملت باقي رقيصه واتصورت مع صحباته واهله والعرسان والحفله انتهت العرسان سافرو القاهرة والضيوف اي زول رجع بيتو ايمان وصلت البيت منتهيه رقدت بي فستانه بعد شويه جاته رساله (الليله طلعتي حلوه جهجهتني )ايمان م ركزت معاها نامت طوالي لانها تعبانه
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٤-
بعد كم يوم بعد المغرب كدا ناس ايمان جاهم زيارة باش مهندس محمد رحبو بيهو وقعد مع ابو ايمان ف الصالون ايمان جات جابت ليهو عصير وسلمت عليهو مع انها كانت مستغربه من زيارتو المهم اخد قعدتو ومشا بالليل كدا ايمان كانت بتتكلم مع حازم ابوها طقه ليها الباب سريع سريع قفلت الخط وفتحت الباب
ابو ايمان :لسه صاحيه ي بتي
ايمان: اي ي اصلي كنت بتكلم مع اسلام صحبتي
ابو ايمان : جنكم شمارات😒
ايمان:😂ليه ياخ كنا بتناقش ف مواضيع علميه
ابو ايمان :كدي خلينا انت عارفه قبيل محمد جاء لشنو ؟
ايمان: لا ي ابوي م عارفه ان شاء الله خير
ابو ايمان: خير ي بتي😊 محمد جاء عشان اخطبك مني
ايمان: شنووو😳اخطبني كيف هو بعرفني من وين وانا اساسا م بعرفو الخطوبه دي ساي شوف الزول الما جادي دا😒
ابو ايمان :ي بتي دي خطوبه م عقد والخطوبه دي عشان الناس تعرف بعض
ايمان :لاله ي ابوي انا م عاوزه اي خطوبه ولا اي شي اسه خليني بعد اتم جامعتي دي انتو زهجتو مني ولا شنو ي ابوي 😥
ابو ايمان :زهجنا منك شنو نحنا لاقينك وين خلاص ي بتي مدام انتي م عاوزه انا م بفرض راي دي حياتك
ايمان: شكرا ي ابوي دا ذاتو كان العشم 😘وباستو ف راسو
ابو ايمان: يلا تصبحي ع خير نومي طوالي السهر بعمل سواد ف الوش
ايمان:😂😂😂حتى انت عارف الحاجه دي ي حاج والله امي خربتك نهاي😂
ابو ايمان: هههههه خلاص ي بت
اها اليوم التاني ابو ايمان اتصل ع احمد العريس
احمد:الوووو
ابو ايمان :الووو كيفك ي ولدي ان شاء الله بخير
احمد:تمام والله ي ابوي انت كيف وامي كيف والشفع ديل كيف
ابو ايمان كلهم كويسين نحمدو اها البلد كيف ومرام كيفه
أحمد :لاله البلد سمحه ومرام كويسه
ابو ايمان :اها الجيه بتين
احمد:قريب ي ابوي كم يوم كدا ونجي نعمل ليكم وجع وش
ابو ايمان: اي تعالو اشتقنا ليكم اسمع ي ولدي محمد صحبك جاني قبل كم يوم قال عايز اختك وانا قلت ليهو بعد اشوف رايه لما كلمتها قالت م عايزاهو
احمد:والله محمد دا كلمني قبل العرس ومحمد زول كويس وخلوق راجل م فيهو كلمه بس مدام ايمان رفضت م تساله بس ي ريت لو وافقت
ابو ايمان :ي ريت ي ولدي الود شكلو ود ناس ومهذب اها ي ولدي مع السلامه
احمد:الله يسلمك ابوي وسلم علي ناس البيت
ابو ايمان :يوصل ان شاء الله
احمد كانت قاعده جنبو مرتو وفهمت الكلام كلو وبقت تفكر انو ايمان لو رفضت احتمال محمد اطرد احمد من الشغل واحمد دخلو كويس وهي اهم شي عندها الماده طوالي اتكلمت مع احمد
مرام :احمد ايمان ماله
احمد:م ماله بس محمد صحبي بتعرفيهو قال عايزه بس هي ابت
مرام:الولد الممتاز دا ليه رفضتو ود كويس
احمد :عشان الجامعة وكدا
مرام: و الله ايمان دي عندها سبب تاني (ايمان كان مره حكت ليها بحازم بحكم انها ح تبقه اخته وورته صورتو)
احمد::😳سبب تاني شنو
مرام:ايمان دي عايزه ليها ولد تاني حكت لي بيهو مره وانا م حبيت اساله والود شكلو شماسي وم ود ناس وانا حاسه بيهو غاشي ع ايمان اساسا اولاد الزمن دا بقو كعبين وخاصة الذي ايمان بكونو بريئين شديد بكون غاسل مخها بالحب والكلام الفارق دا عشان كدا ابت محمد
احمد :لاحوله ايمان اختي عاقله وم بتتصرف تصرفات كعبه
مرام:ي احمد و الله الاولاد ديل مجرمين شديد
احمد:والعمل ي مرام
مرام: لازم تصر عليها ف موضوع محمد دا عشان مصلحته اعمل اي شي لحدي يتم عشان بعدين م تندمو
احمد :و الله معاك حق كدي النضرب لي ابوي
احمد اتصل لي ابوهو وقال ليهو م تدي محمد اي كلمه لحدي م اجي ابوهو استغرب بس قاليهو كووويس
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٥-
احمد جاء من القاهرة بعد اسبوعين وناس البيت كلهم اتبسطو وايمان وامها يوم جاي من الصباح اقعو واقومو م خلو حاجه بحبها احمد م عملوها وعزمو خالاتم وعماتم عملو وليمه عديل المهم احمد جاء ولقه ا هلو كلهم قاعدين اتبسط شديد وسلم عليهم ايمان جات حضنتو وباستو بشوق بس هو سلم عليها سلام بارد هي اضايقت بس كملت عادي جهزو الغداء والرجال اكلو ف الصالون وبجاي النسوان قاعدين مع العروس اتغدوا وونسه وضحك وايمان تزغرت بعداك الضيوف مشو ايمان نضفت البيت وظبطت المكان وجري اوضتا مشتاقه لي حازم ونست تقفل الباب وطوالي اتصلت ليهو .
ايمان:الووو حزومه كيفك😊
حازم:م عاوز معاك كلام م شغاله بي من الصباح وانا بجاي الشوق مبشتني😔
ايمان:معليش حبيبي والله مع الضيوف والعرسان انا يداب انتهيت طوالي جيت اضرب ليك😀
حازم:م مشكله حبيبه مشيته ليك بس تاني م تكرريها 😕
ايمان: حاضر بس وحياه الله مشتاقه ليك😍
فجاءه كدا احمد اخش ايمان تتخلع تقفل الخط
احمد:بتتكلمي مع منو😡
ايمان: بتتكلم مع اسلام مع اسلام صحبتي😥
احمد:بتكذبي علي انا وطاااخ اداها كف ايمان بقت مخلوعه والدموع عشره عشره
احمد:دي الجامعة القريناك ليها عاملاها قله ادب وكلام تلفونات والله دا آخر الزمن 😠😠😠
ايمان م قالت اي شي بس بتبكي وطلع من الاوضه وشال التلفون معاهو قفلو وختاهو ف دولابو
ايمان الليل كلو عدتو بكاء م مصدقه دي احمد اخوها البقول عليها بيتوو م وجعه الكف بس وجعه كلام احمد بهناك حازم بقا مقلق امش واجي واضرب ف تلفون ايمان التلفون مقفول الليل كلو عداهو قلق م نام نهاي وبجاي ايمان تبكي لحدي م نامت .
اليوم التاني حازم من الصباح مشا لي ايمان ف الجامعه م لقاها ف المكان البتقعد فيهوو طلع القاعه بتاعتم م لقاها وهو طالع لاقتو اسلام صحبه ايمان
حازم:اسلام
اسلام:اهلين حازم
حازم:كيفك
اسلام :تمام بس الجابك هنا شنو
حازم :جيت لي ايمان بس م لاقيها واتصلت ف تلفونه قافل
اسلام:م جات الليله ونفس الشي تلفونه قافل
حازم:م عندك تلفون زول ف بيتم
اسلام: عندي رقم انس اخوها دقيقه النضرب ليهو
اسلام اتصلت لي انس
انس :الووووو
اسلام:انوس كيفك معاك اسلام
انس :اهلين اسلام كيف اخبارك
اسلام: كويسه الحمدلله ايمان وين الليله م جات الجامعة
انس:والله ايمي دي الليله عيانه من امبارح م قامت من سريره
اسلام: سلامته فقدتها الليله يلا خلاص سلم ع خالتو رجاء
انس :يوووصل ان شاء الله
وقفلت منو
اسلام: اها سمعت قالو عيانه مقلق ساي انت بكون من تعب امبارح
حازم:مع اني لسه مقلق بس كويس طيب جيبي رقمك دا للضمان
اسلام ادتو رقمه ومشا منها
نرجع لي ايمان
ايمان قاعدة ف اوضته اليوم كلو م طلعت مره تبكي مره تسكت جاها احمد اخوها لقاها راقده
احمد:ايمان كيفك😊
ايمان: الحمدلله😔
احمد:معليش بس امبارح فقدتا اعصابي معليش حبيبتي انا ☺️
ايمان: خير😥
احمد:اسمعي انا بعمل دا عشان مصلحتك انتي واسه محمد دا زول كويس نحنا عشره عمر زول م فيهو كلمه واخلاقو عاليه وزول جاي بالباب
ايمان: بس ي احمد اخوي انا م بحبو
احمد:كورك فيها بلا حب بلا كلام فارغ ح تعرسي م ع كيفك انا عارف مصلحتك انت م فاهمه حاجه ومشا منها
ايمان بقت تبكي بصوره هستريه
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٦-
اليوم التاني حازم ضرب لي اسلام
اسلام:الوووو
حازم:اسلام كيفك
اسلام:كويسه انت كيف
حازم:الحمدلله اها ايمان جات الليله
اسلام:لا م جات والله
حازم :م تمشي ليها ف البيت انا مقلق عليها شديد حاسي انو ف حاجه م طبيعيه
اسلام: والله انا ذاتي قبيل قلت امش ليها ف البيت
حازم:خلاص ي اسلام وعليك الله بعد تمشي اضربي لي خليني اتكلم معاها
اسلام:كويس ي حازم يلا انا ح اقفل
حازم:يلا مع السلامه
اسلام بعد خلصت محاضراته طوالي مشيت ناس ايمان لاقت ام ايمان
اسلام:سلام عليكم ي قوم😁
ام ايمان:اهلين ي بتي عاش من شافك 😊
اسلام:كيفك ي خالتو رجاء ي كساره😍
ام ايمان:هههههه تمام ي بت كيف انتي☺️
اسلام:تمام ي خالتو ايمي دي وين
ام ايمان:والله صحبتك دي ليها كم يوم راقده قالت صداع ووجع بطن ولا بتاكل اي شي
اسلام:ي ساتر ي خالتو كدي النمش عليها
اسلام مشت لي ايمان ف اوضته ايمان من شافته دموعه نزلو اسلام طوالي جرت حظنته وقعدت تبكي معاها من غير م تعرف السبب اخدو بكيتم بعداك اسلام سالته من الحاصل ايمان حكتو ليها كلووو وتبكي
اسلام:لاحوله ي ايمان دا كلو حاصل وم تكلميني😞
ايمان:احمد شايل تلفوني مني😭
اسلام:ووواي ي ايمان والعمل 😫
ايمان :م عارفه انا لو مت اخير برتاح شديد 😭
اسلام: بسم الله م تقولي كدا بعد عمر طويل😩
وووايمان لسه تبكي
اسلام: م عارفه ي ايمان احتمال الزول دا قسمتك
ايمان: حتى انتي ي اسلام عارفاني بحب حازم انا
اسلام: أحمد اخوك بعرف احسن منك مستحيل اجعك ساي واكيد بعمل كدا لمصلحتك
ايم
ان: اي عارفه احمد اخوي😞
اسلام: وانت عارفه انو حازم لسه م جاهز وعادي الحب بجي بعد العرس اغلبيه البنات عرسو بالطريقه دي يعني انتي م اول بت تعرض كدا وادي نفسك وادي محمد فرصه احتمال اطلع ياهوو نصيبك
ايمان: بس حازم. انا ممكن اتحمل الوجع بس م بقدر اعزب حازم بسببي
اسلام: عادي ياما اولاد حصل ليهم كدا حازم بقدر اكمل حياتو
ايمان :انا بحبو شديد م بقدر اقوليهو ح يخطبوني م بقدر😩
وفجاءه تلفون اسلام ارن اطلع حازم طوالي ايمان تشيلو منها وترد
ايمان:الوووو 😞
حازم:ايمان ايمان انت كويسه انا مقلق عليك شديد
ايمان :كويسه 😩
حازم:ايمان مالك
ايمان :م مالي بس انا تاني م عاوزاك م عايزه اكمل معاك زهجت مليت منك عايزه اشوف حياتي (ايمان بتتكلم والعبره خانقاها😭)
حازم:هههههه بتهظري عندك الهظار😂
ايمان:بنهره انا م بهظر انا جاده م عاوزاك م بتفهم انت 😞
حازم:ايمان انا عملت ليك شنو زعلتك ف حاجه 😭
ايمان: م زعلتني بس انا زهجت ويلا عشان ح اقفل 😩
حازم:ايمان م تخليني انا م بحمل بلاك وحياه الله تاني م ازهجك م بقوليك بقره ولا ح اقوليك بايره ولا ح اتاخر عليك بس م تخليني انا بدونك م بسوء شي ايمان عليك الله قولي لي بهظر 😭
ايمان :مع السلامه 💔
وقفلت الخط وقعدت تبكي اسلام مخلوعه م تصرف ايمان
اسلام:ليه عملتي كدا كان تقولي الحقيقه😳
ايمان: لا احسن كدا لو قلت الحقيقه ح يزعل من نفسو واحس بالذنب انو فرط فيني عشان م جاهز اسه بس كدا ح يكرهني ولو كرهني ح ينساني سريع 😞
اسلام:و الله ي ايمان م عارفه اقوليك شنو بس عليك الله بطلي بكاء 🙁
ايمان: انا حاسه حياتي وقفت خلاص 😌😭
ايمان بس بقت تبكي حياته بقت بكاء وبهناك حازم بس بقاء حياتو عباره عن سجاير وجبنه اكل م بياكل مرات اكون نايم اكورك ايمان و مرات اصحاء نص الليل ابكي لما ظهر ف وشو وجسمو مره وهو قاعد ف الميدان اشرب ف سجايرو جاهو صاحبو نادر (نادر دا بعرف ايمان كم مره لاقاها مع حازم وعارف الحصل كلو )
نادر:اوووو دكتورنا 😊
حازم:هلا اتفضل
نادر:الخبر والامور والاخبار😊
حازم:عايشين الحمدلله💔
نادر:انت لسه م نسيت ؟
حازم:ههههههه حلوه نسيت دي
نادر:اها السفر بتين
حازم:والله مفروض اكون سافرتا ومحمد اخوي ناقي فيني والحاج برضو بس م عندي نفس لي اي شي
نادر:اسمع ي اخوي نصيحه مني ليك الباعك اتبرع بي عديل م تقعد تضيع حياتك عشان بت حواء والده سافر وانفع روحك واهلك ديل محتاجين ليك وبعدين لما تشتغل ح تزحم نفسك وم ح تلقى وقت تتذكره وعليك الله بعد تبقا جلابي م تنسانه😂
حازم:علي الطلاق اقطع البحير الاحمير دا بجاي تاني م بتذكر اسمك 😂
نادر :خلاص من اسه برجيك اختي صفيه خطبتها ليك😌
حازم:اختك المزعمطه دي م عاوزه😂
نادر:ف وشي كدا كان تخليني اقوم😒
حازم:😂😂😂
نادر :حلوه الضحكه ي اخوي😊
.
بعديها بكم يوم حازم سافر
.
.#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٧-
بعد فتره احمد رجع لي ايمان تلفونه فتحتو لقت رسالة من حازم مكتوب فيها وداعآ ي احلى حب وربنا احفظك واوفقك واعيني ع فراقك مهما حصل برضي غافر ليك
ايمان قرت الرساله بكت لما بطنه وجعته فتحت الواتس لقت حالتو مكتوب فيها شفتك ف الحلم راحل اريت لا نمتا لاحلمتا💔
وخاتي صورتو ف المطار عرفت انو سافر ع قدر م زعلت ع قدر م فرحت ليهو انو ح يحقق احلامو
وقعدت فكرت بينه وبين نفسه انو خلاص تقفل صفحه حازم وتكمل حياته بدونو وتنسى انها عرفتو من اساسا بس كل مره كان بتجي تفصيله ف يومه بتذكره بيهو وخلاص حددو تحقيق خطوبته ع محمد يوم الخميس امها عزمت كل اهلم وجيرانم وجهزو البيت وعملو الحلويات وجهزو اي شي ايمان بعد اصرار من امها واسلام مشت الكوفير عملت حنه ف ايديها ولبسوها هناك اها بعد المغرب اهل محمد جو والبيت اتملا والغناء والزغاريد والناس تضحك ومبسوطه محمد مشا جاب ايمان من الكوفير احمد كان لابس بنطلون اسود وقميص اسود كان قاطع نص طالع وجيه شديد😍 ايمان طلعت من الكوفير لابسه فستان بالاخضر زرعي ومعاهو جزمه عاليه بالاسود واكسسورات بالاسود وفاكه شعره ومكياج حلو كانت طالعه كساره شديد😍
محمد لما شافه لما شهق عيونو بقت قلوب قلوب😍
وصلو البيت والزغاريت ولبسو الدبل اهل محمد عجبتم ايمان شديد ☺️
اليوم انتهه وايمان مشت اوضته وبكت لحدي م نامت اذكرت حازم ودعت ليهو انو ربنا اسهل ليهو واحفظو ف غربتو
المهم بعد الخطوبه محمد بقا بتكلم مع ايمان شبه يومي واعترف ليها انو حباها من اول مره شافه فيهو وانو ح يسعده وم ح يزعله يوم ايمان كانت بتتكلم معاهو بس م حاسه تجاهو شي محمد بتغزل ف ايمان بس هي م كانت مبسوطه بس بتحاول تظهر انها مبسوطه وتتجاوب معاهو خصوصي انو محمد مهتم بيها وبعامله كويس يعني شويه كدا بقت ترتاح ليهو بعد فتره عرسم اتحدد واهل محمد جابو الشيله ومستلزمات العروس كلها وسد المال
ومحمد حجز الصاله وجاء يوم العرس العروس ف الكوفير والعريس ذاتو اتجيه وصحبات ايمان معاها لما عقدو عليها محمد اتصل ليها
ايمان: الووو
محمد:مبروك علينا ي حلالي😍
ايمان: لما سمعت الكلام دا دموعه نزلو وقالت ليهو الله يبارك فيك😞
محمد:يلا اجهزي سريع مشتاق ليك😘
ايمان: حاضر😊يلا سلام
صحباته لما شافو ايمان حضنوها وقعدو ابكو كلهم
البت البتمكيج ف ايمان قالت ليهم عقبالكم ي بايرات😂
ايمان اتذكرت حازم قعدت تضحك 😂حست براحه
المساء جاء و العريس جاء اسوق عروستو ولابس البدله السوداء كان طالع رهيب😍 البنات الفي الكوفير كلهم اتكسرو فيهو ايمان طلعت لابسه الابيض ذي الملاك النازل من السماء😍حاجه كدا روعه
محمد قرب عليها وباسه ف راسي وقاليها يلا ي مرتي ومسكه من يدها وركبو العربيه العربيه كانت مزينه زينه حلوه صحبات العروس ركبو العربيه الوراهم وصلو الصاله والزفه بدت دخلو العرسان ووراهم صحبات ايمان والناس تزغرت وتبارك وام ايمان كانت مبسوطه حضنته وبكت معاها .
العرسان قطعو التورته والناس هايجه وارقصو ايمان كانت تتبسم بالغصب وكل مره تتخيل حازم واقف اعاين ليها فجاءه تلاقاهو م ف ايمان ضغطت ع نفسه عشان م ف زول احس بيها رقصت مع صاحباته واهله وتتبسم بالقوه. محمد كان مبسوط اضحك ساي الحفله انتهت العرسان ماشين ايمان ودعت امها واخوانه وبكت معاهم وودعت اسلام صحبته اسلام قالت ليها خلي بالك من نفسك وم تشيلي هم كلو بيعدي💔 ابو ايمان وصه محمد ع ايمان محمد قاليهو م تشيل هم دي بقت تخصني
محمد وايمان سافرو دبي ف ليلم داك نزلو ف شقتم ايمان كانت تعبانه نامت طوالي م صحت الا ع صوت محمد لما قال ليها
محمد:صباح الخير ي عروسه😊
.
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٨-
.وف عز السرحه محمد جاء هجم ايمان
محمد:ووووووه😂
ايمان: وواي سجمي ي محمد حرام عليك طيرتا قلبي😒
محمد:هههههه شنووو الحلو سرحان وين😍
ايمان: بس بفكر شايله هم الاكل الح تحرقو دا😏
محمد:ي زوله معاك الشيف محمد😎اكلي وانتي مطمنه
ايمان: الله ارحمك ي ايمان😜
محمد:كووويس ي ايمان😒 طيب يلا قومي ختيتو ف التربيزه😒
محمد وايمان اتغدوا وايمان عملت قهوه وقعدو ف التلفزون واتونسو كتير المساء جاء محمد قال لي ايمان البسي عشان افسحك اوريك البلد ايمان اتبسطت و قالت تغير جو طلعو وحامو ومحمد اشيل واضحك ف ايمان وايمان تضحك كانت طلعه حلوه المهم قضو هناك ايام حلوه 😍 طلعات وفسح وعزومات قعدو 20يوم ورجعو السودان محمد نزل ايمان ف بيته طوالي مع أنها استغربت مفروض انزلو ف بيت اهله و لا اهلو بس م سالتو لقت البيت عايز شويه نضافه نضفتو وظبطت الوضع اليوم التاني جو اهل ايمان واهل محمد وصحبات ايمان .ايمان عملت ليهم العصير والحلويات اتونسو وضحكو ومشو .محمد بعد كم يوم نزل الشغل و كان مضغوط شديد بطلع من الصباح بجي متاخر مرات القه ايمان نامت وايمان م قاعدة تتونس معاهو ذاتو طول الوقت مشغول الا يوم العطل وحتي ف العطله مرات اطلع مع اصحابو و مرات اكون قاعد ف تلفونو ايمان بقت حاسه بي زهج وفراق شديد .
مره محمد كان طلع الدكان تلفونو دقه كتير ايمان جات شافتو لقت مكتوب عليهو روان ايمان بقت تفكر😥 روان دي شنو لعنت ابليس وقالت احتمال واحده شغاله معاهو م ردت ع التلفون تاني بقت تلاحظ ليهو بقا مرات بتجيهو مكالمات بطلع اتكلم ف الحديقه م بتكلم جنبها
ف يوم جمعه محمد كان نايم بالنهار ايمان فتحت تلفونو لقت اول دردشات مع روان فتحت الدردشه لقت كلام حب وغراميات وكمان البت بتبز ف مرتو وهو بضحك ليها ايمان لما راسه كبر م عرفت تعمل شنو قفلت التلفون وختتو وبقت تبكي .
اليوم التاني اتصلت لي محمد قالت ليهو ماشه لي ناس امي قعد اكورك فيها وقاليها كل مره ماشه م ف ليك مشي نهاي ليهم الا لما مزاجي انا احكم😠 ايمان قعدت تبكي استغربت قالت دا منو دا م محمد القال ح يسعدني والقال م ح يبكيني😭
ايمان م اتناقشت معاهو ف الموضوع بعد أسبوع جامعته فتحت مره قاعدين هي ومحمد بالمساء بتونسو .
ايمان: محمد جامعتي فتحت😊
محمد:اها وبعد داك😒
ايمان:شنو وبعد داك عايزه امش اسجل
محمد:م ف مشي
ايمان: محمد انت سامعني بقوليك الجامعه
محمد:كورك فيها اي سامعك ي مرض انتي 😡اسمعي هنا تاني جامعه م ف ليك انسي الفكره نهاي
ايمان: انت واعي للبتقول فيهو دا انت كدا خلفت بكلمتك و البخلف بكلمتو م راجل 😡
طوالي محمد قام ع حيلو واداها كف وقاليها يلا كدا انا راجل ولا م راجل ومشا منها
ايمان اتخلعت بس دموعه م نزلو حست بوجع عمرها م حست بيهو
ايمان م كلمت اي زول بالحاصل حتى امها لما تضرب ليها بتشكر ليها محمد وبقت بس تدعي ف صلاته ربنا اهدي بعديها بكم يوم محمد طلع مشوار وخله تلفونو ف الشاحن شويه كدا تلفونو اتصل ايمان جات عاينت لقته روان بقت تفكر ترد ولا لا ف النهايه ردت جاها صوت بت مايعه ظاهر عليها م بت ناس
روان: الوووو بيبي
ايمان:الووو
روان: منو معاي ؟
ايمان: انا مره البيبي
روان: ايووا ممكن اعرف رديتي لشنو
ايمان: راجلي ومن حقي ارد ممكن اعرف انتي بتتصلي لشنو
روان: دا حبيبي. حبيبي انا براي
ايمان: اخس اتفو ع اشكالك ي مقرفه راجل بمرتو ح تستفيدي شنو غير تخربي بيتو
روان: ههههههههاي حلوه بيتو دي ويلا م تصدعي بي كتير بعد اجي بيبي كلميهو اني اتصلت
وتيت تيت قفلت الخط
ايمان بقت م قادره تفكر م عارفه هي عملت شنو ف حياته عشان احصل ليها كدا
محمد جاء ايمان عملت ليهو العشاء ونامت اتصل علي روان فحكت ليهو بالمكالمه وزادت فيها وكذبت جاء لي ايمان لاقاها نايمه صحاها من النوم وقعد اضرب فيها ضرب شديد ذي الما واعي و ان بن فيها وشي كفوف وفي بوكس ف وشها ورماها ع الارض وبقا ا ضرب فيها بكرعيهو وايمان تصرخ تاني سكتت بعد شوويه اشوف الدم كابي من ايمان محمد اتخلع بقا م عارف اعمل شنو بقا اكورك كتلتها كتلتها
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-٩-
.
محمد لما شاف حاله ايمان والدم اتجنن م عرف اعمل شنو مسك تلفونو وكان خايف واتصل بالاسعاف واتصل باهل ايمان قاليهم الحقوني المستشفى. وصلو المستشفى بالاسعاف🚐 دخلو ايمان لما الدكتور سالو قاليهو وقعت من السلم. بعد شويه اهل ايمان جو عاينو لي ايمان لما اتخلعو ام ايمان سالت محمد قالت ليهو العمل ف بيتي كدا منو😫 محمد من غير م يحس قاليها انا😞 طوالي ابو ايمان طاخ اداهو كف واحمد مسكو من قميصو عايز اضربو مسكوهو اخوانو بالجلاله بقا بكورك ف محمد قال ليهو اقسم بالله اختي احصل ليها بكتلك😡 وام ايمان تبكي م قادره تقيف بعد شويه الدكتور جاء قاليهم كويس انكم زعفتوها سريع لو اتاخرت شويه كانت ماتت لانها نزفت دم كتير الحمدلله اسه حالته استقرت بس للاسف بعتذر منكم م قدرنا ننقذ الطفل بعتذر شديد😞محمد لما سمع كلمه طفل دي وقع ف الارض وحسه ذي الزول الاداهو كف صحاهو يداب اتذكر انو فقد طفلو ويداب عرف انو دي ايمان حبيبتو العمل فيها كدا قعد ابكي بحرقه من جوه قلبو
بعد نقلو لي ايمان الدم اخدت كم ساعة حتى صحت امها وابوها واخوانه دخلو ليها ومحمد م دخل خجلان منها شديد
ام ايمان: كرعلي ي بتي م تستاهلي الحصل ليك دا راجلك الحيوان الله انتقم منو 😡
ابو ايمان:شنو ي ر جاء البت تعبانه 😒حمدلله ع سلامتك ي بتي وربنا اعوضك😞
اخوان ايمان حمدلو ليها السلامه
احمد:(ببكي😭)معليش ي اختي انا الغصبتك واذنبتا ف حقك اعفي لي اختي 😞
ايمان: عافيه ليك اخوي من زمان😊وكل شي لخير .احمد ممكن تنادي محمد
محمد جاء داخل وم قدر اعاين ف عيون ايمان قعد ف الواطه وبقا بتاسف وببكي قاليها ايمان انا اسف عليك الله اعزريني عليك الله اعفي لي والله تاني م بكرره خلاص فهمت وعرفت غلطتي خلينا ننسى الفات ونبداء من الصفر والله م بتندمي انا اتغيرت خلاص😭
ايمان م قالت لي اي شي بس تعاين ليهو بعد مسافه قالت ليهو محمد طلقني 😞
محمد اتهجم و قام ع حيلو وم قال اي شي وطلع من الغرفه
ايمان بعد كم يومين ايمان طلعوها بعديها بكم يوم جاتن ام محمد وكفرت ليها وخجلانه من العملو ولده وقبل م تطلع ادت ايمان ورقه لما عاينت فيها لقته قسيمه الطلاق ايمان شافت الورقه انهارت بالبكاء امها سكتته بصعوبه .محمد م طرد أحمد من الشغل محمد بحاول اعتذر ليهو عشان ارجعو ذي زمان بس احمد بتحاشاهو م قادر اغفر ليهو كلامن كلو ف حدود الشغل.
المهم ايمان اتبدلت بقت لا بتتونس مع زول و لا بتضحك كانو م عايشه معاهم حتى روحه بقت م شغاله بيها عايشه ذي الزول الميت اهله نسو ونسته وضحكه نهاي (معزوره الشافتو م ساهل😞)ايمان ظهر ف وشها بقت باهته بتشتغل ف البيت بس م بتتكلم لو سالوها يدوب الاجابه لو شفتها تقول اتبدلت م بتشبهه ايمان زمان البتشاغل اي زول الضحكته فضيحه يومه بس شغل ف البيت وصلاه وبتقراء قران كتير. اسلام صحبته بتجيها مرات ف البيت بتتونس معاها بس م ذي زمان قالت ليها انزلي الجامعه بتغيري جو ونفسيتك بترتاح قالت ليها فكي التجميد ايمان قالت ليها لا وانها هي ذاته م عاوزه جامعه تاني 💔
طبعا احمد طلق مرام لانها كعبه وبتعاملو كعب حتى امو م بتحترمه كم مره عملت معاها مشكله بعديها أحمد انتبه لي اسلام صحبه ايمان وخطبه وايمان فرحت حتى ام ايمان انبسطت بالخطوبه اكتر من الفاتت لانها بتعرف اسلام من زمان وذي بتها
#يتبع
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
#حب_من_نوع_اخر
-١٠-
مره ايمان وهي ف المطبخ جاها ابوها قاليها اعملي عصير وجيبوهو ف الصالون معاي ضيوف ايمان عملت العصير و لبست توبه وشالتو ودتو الصالون دخلت فجاءه لقت ف وشها حازم ايمان اتهجمت وبقت ف مليون علامه استفهام ف وشها قدمت العصير حازم كان معاهو راجل سلمت عليهم طبعا حازم لما شاف ايمان الدمعه وقفت ف عينو بعد معاناه مسكه عشان م تنزل بعداك ايمان طلعت حازم والراجل المعاهو اخدو قعدتم ومشو ايمان راسه بقا يودي وجيب دا حازم لا م هو احتمال بتخيل لا له م بتخيل دا حازم جد جد طيب لو حازم الجابو شنو وبعرف ابوي من وين ايمان راسه خلاص ح يطق من التفكير اليوم عده وابو ايمان م ساله ولا هي سالتو والبعديهو برضو ايمان خلاص نست الموضوع اليوم التالت بالمساء تلفون ايمان رنه ايمان عاينت نمره غريبه ردت
ايمان: الوووو
حازم:مساء الخير
ايمان جاها الصوت المابغباها لما حست بوجعه ف قلبه💔
ايمان :مساء النور😊
حازم:كيفك
ايمان: بخير الحمدلله انت كيف
حازم:ميه ميه
ايمان: دوم
حازم:ممكن اطلب منك طلب
ايمان: طوالي اتفضل
حازم:عايز اشوفك
ايمان: تشوفني لشنو
حازم:موضوع مهم شديد
ايمان: و الله م عارفه م اظن اقدر اطلع
حازم:حاولي ع قدر م تقدري بكره ح استناك الساعه 5ف الكافي الكنا بنقعد فيهو زمان
ايمان: ان شاء الله بحاول
حازم:تسلمي يلا ت ع خير
ايمان :وانت من اهلو
ايمان بقت تفكر تمش ولا م تمش مره تقول اي مره تقول لا
تاني يوم قررت انها تمش جاء الوقت لبست وطلعت قالت لي امها انا طالعه امها م صدقت انو بتها طالعه قالت ليها بي نبره فرح طوالي
ايمان ركبت ركشه وصلت الكافي عاينت لقت حازم قاعد قعدت تضحك قالت سبحان من مغير الاحوال حازم جاي ف وقتو😂 حازم كان لابس قميص اسود مع انو بكره الاسود
ايمان: سلام عليكم😊
حازم:اتاخرتي دقيقتين ونص😒
ايمان: هههههه من بتين بتحترم الوقت😳
حازم:والله ي ستي السعودية بتادب😂 اتفضلي اتفضلي
ايمان قعدت وبقت تعاين ف حازم جاته زكرياتم القديمه كلها فجاءه ضحكت 😂
حازم:بسم الله مالك 😳
ايمان: لا. ولاشي
حازم:التجاني الماحي نفر😏
ايمان: اها احكي الموضوع المهم وانت تعال هنا المره الفاتت جيت بيتنا لشنو وبتعرف ابوي من وين وجيت راجع بتين من السفر وفجاءه اتذكرتني من وين
حازم:لاحوله اهدي ي نعجه براحه واحدة واحده بحكي ليك كووول شي
ايمان :اها احكي
حازم:انا ي ستي من م سافرت كنت متواصل مع اسلام يومي بساله منك شفتي ١١شهر الفاتو انا متابع معاها صحي السوال م بطمني عليك بس كان بخفف عني شويه قبل شهر اسلام حكت لي الحصل معاك وانا زعلت شديد كنت جاي اضرب الحيوان بس سبتوني ف اللحظات الاخيره المهم جيت قبل أسبوع واول ناس ازورم كان بيتكم معاي محمد اخوي وف اليوم داك انا كان طلبتك من ابوك وابوك اداني بس كان عايز يعرف رايك وانا طلبت منو م يوريك بي اي شي لحدي م الاقيك انا واكلمك بي نفسي وحاليا هو عارف انو نحنا اسه قاعدين مع بعض .
فجاءه حازم اقوم من الكرسي واطلع دبله من جيبو واقعد ف الواطه ايمان تتخلع لما تشهق
حازم:ايمان تعرسيني
ايمان مخلوعه تتجمد ف مكانه م قالت ولا شي بس الا دموعه البجرو
حازم:ايمان تعرسيني قولي اي ولا قولي لا خليني اشوف لي شغله غيرك😒 ي زفته ياخ جاني غضروف بسببك ياخ انا من زمان بقول دا كلام كفار 😒
ايمان:(تضحك ودموعه جارين )اي ي حازم
حازم:اي شنو 😰
ايمان :اي دايراك
حازم:اسمها قبلت الزواج بك الله لاجاب عقابك الافلام الهنديه دي م حضرتيها😒
ايمان:😂😂😂اسكت ي عولاق
حازم لبس ايمان الدبله وباسه ايدها وراسه ايمان كانت حاسه قلبه ح يقيف من السعاده
طبعا الجماعه ف الكافي الحضرو الكلام دا صفيق وصفافير صياعه شديد (نعتذر للسنجل المعانا ع قساوه المشهد😂)
سيد المحل سمع الصفاير جاء جاري شافم
سليمان:لاحوله😳 انتو لسه بتجكسو
حازم:ههههههههه احلا حاجه بس بعد دا عايزين نتوب
سليمان:تعال ي ولد صورني مع جوز اللوز ديل كسرو الرقم القياسي😂
اتصورو مع سليمان طبعا سليمان اتحشر ف النص حازم واقف ومبتسم الابتسامه الرهيبه ديك وايمان كانت بتعاين ليهو عيونه مليانه الوان عجيبه سعاده +حب+رضاء
طلعو من الكافي حازم وقف جنب عربية رهيبه قال لي ايمان اركبي
ايمان :سجمي دي حقت منو😳
حازم:حقتي 😒
ايمان :واي جبتها من وين😳
حازم:انا مشيت اشتغل وكنت مجتهد جدا فاكراني مشيت ضربتا الكبسه دي ونمتا😒
ايمان: والله انت مجنون😂
حازم:اقوليك حاجه اجن😎
ايمان :شنو
حازم:انا الليله من الصباح مشيت لي محمد الخطفك مني ف المكتب ووقعتا ف ضرب انا حاسي انو م فضل فيهو عضم سليم 😏
ايمان: وووواي انت مجنون
حازم:المهم كان جات الشرطة ساقتني والنبي خدي بالك من عيالي يختي😩
ايمان: الله اكملك بعقلك بس بيني وبينك استاهل الكلب😌
حازم:ي شريرتي😍
ركبو عربيتم ومشو وطبعا حازم مشا فكا لي ايمان التجميد ونزلت جامعه وكانو بتكلمو ال٢٤ساعه وايمان رجعت تاني نفس الضحك والشقاوه و بع
د اتخرجت حازم جاء من
musabko, [13.08.20 10:27]
[Forwarded from رواياتي📖📚 (- ᗯᕮᔕᔕᗩᙢ ҺคɱძคՈ ۦٰ┋❥ ͢˓🦁💛ۦ)]
السعودية و عملو العرس ف افخم صاله ايمان يوم العرس كانت طالعه ذي الاميرات وحازم طالع وسيم لما شافه لابسه ليهو الأبيض وشايله الورد ف يدها وماشه عليهو جرا حضنه وقعد ابكي
المهم العرس تما ورقصو رقيص العرسان الاتنين مجانين طبعا نزار صاحب حازم جاء ابارك ليهم حازم قال لي ايمان شفتي المعفن دا كان عايز ادبسني ف اختو المزعمطه بس الله نجدني😂ايمان ضحكت ضحك طبعا حاجه سميه ام حازم ترقص ساي شي بالرقبه شي بالكتف طبعا الرقيص م عند و اي علاقة بالموسيقى😂
حازم ساق معاهو ايمان السعوديه وجابت تؤام بنات حلا ولنا😍 جميلات شديد شايلات عيون امهم وغمازات ابوهم وشعر امهم وقله ادب ابوهم طبعا حازم بحبهم حب م عندو شغله غيرم بلعب معاهم ذي الشافع مره ايمان قاعده ف التلفزيون جاء حازم عضاها ف خدها
ايمان: يالله ي حازم كرهتني😡
حازم:مالك ي زوله مش جضومي 😒
ايمان: ياخ م معقول طلقني ذاتو 😒
حازم:ي بت اطلق ركبيك قولي امين ي بايره تاني البعرسك منو 😒
ايمان:حاااااازم😡
حازم:كرعلي انا الادبست فيك ي ام جضوم كان عارف كدا كان البوره اخر لي
ايمان طاخ ادتو بسفنجته
طبعا بناتم اعاينو فيهم واضحكو 😂😂😂
#النهايه
ليست هناك تعليقات:
إرسال تعليق