لست_بمجرمة 1
النزيلة 445مطلوب حضورك!!
طلعت من الزنزانة وهي مكبلة اليدين
والقدمين!! وبي صعوبة حتى قدرت تجاري حارس الزنزانات ف المشي،لانو كان جاريها من
الكلبش وماشي بسرعة!! لم وصلو مكتب الضابط لقت معاهو زول اول مره تشوفو!؟ وكان
بعاين ليها بشيء من الاحتقار!؟ الضابط نهرها بدون اي سبب وقال للمعاهو هدي نزيلتك
اخد وقتك معاها! وشال طاقيتو وطلع وهو بحمر ليها وتبعو حارس الزنزانة!؟ الغريب كان
ف الثلاثينات من عمرو ومتشيك لابعد الحدود!؟بس احتارت مين بكون وهي طيلة الستة
شهور الكانت مسجونة فيهم م زارها زول!! عاين ليها وبملامح بكتنفها الغموض!؟ اشر
ليها ع الكرسي وقال ليها استريحي!!؟ اتقدمت بخطى ثابتة وجلست ع الكرسي!؟ وقبل م
تسألو مين بكون!؟ قال ليها انا المحامي احمد عبدالرحمن!! وقبل م يتم كلامو جات
قايمة وقالت انا م طلبت يوكلو لي محامي شكرآ!! قال ليها انا م طرفك انتي!؟ إستغربت
وإتلفتت عاينت ليهو بحيرة! قال ليها حضرتك محكوم عليك بالاعدام والتنفيذ بعد
شهرين!! وانا مرسل لحضرتك من النائب العام وتحت إشراف المدعي العام!؟ بغرض
الإستفسار منك للمره الاخيرة هل انتي مصرة ع اعترافك بأنك قتلتي والدك محمود
خالد!! وعدة إستفسارات اخرى لتوضيح ما اذا تمت محاكمتك محاكمة عادلة!؟ إتفضلي جلسي
وجابوي ع اسئلتي...!؟
يتبع...
ــــــــــــــــــــــــــــــــــــــــــــــــــــــــــ
#لست_بمجرمة2¥
بقلم:آلاء آدم إبراهيم¢
رجعت قعدت ف الكرسي وخدت يديها
مكلبشات ف الطاولة قصاد المحامي!! وهو عينو م شالها منها؟ شال نفس عميق وقال ليها
الغريبة م ظاهر عليك الإجرام؟ ولا ممكن زول يتصور بعد كل الطيبة والحنان البيدفق
من عيونك تقتلي والدك!! وبالبشاعة دي؟
حمرت ليهو وقالت إنت طبيب نفساني ولا
محامي!؟ ضحك وقال واخد تنهيدة خفيفة وقال ليها خلينا ف المهم!؟ حسألك سؤال مباشر؟
هل مصرة ع انك قتلتي ابوك!! ردت بدون م تردد اي قتلتو!!
ولسسسه بعاين ليها...قاليها طيب
لشنو!؟ السبب شنو اليخلي طالبة طب ف سنتها الاخيرة ترتكب جريمة بشعة زي دي!؟ وف
والدها كمان!! واكون صريح معاك قضيتك دي اثارت جدل الرأي العام وحتى ف السرك
القضائي،والكل بطالب بإعدامك عدا المدعي العام حاسي بأنو ف حلقة ناقصة ف قصتك!
وانا دوري إني اكتشفها واربط الحلقات ببعضها! ابتسمت! صر حواجبينو وقال ليها
بإستغراب!؟ شايفة انو كلامي مضحك!؟ شالت نفس عميق وقالت ليهو كلامك م إنتبهت ليهو
من الاساس!؟ بس محتارة ف امرك مره محامي ومره طبيب نفساني واخر شيء طلعت
محقق...حسى بيها سخيفة وشاف اللامباله ف عيونها وم متأثرة نهائي بالجريمة
الإرتكبتها!! وبينو وبين نفسو قرب يشيل شنطتو ويطلع بس إتزكر شرف المهنة! ولازم يوقوم
بواجبو ع اكمل وجه...قال ليها الظاهر إنو قعدتنا حطول!؟ كانت منشغلة بالكلباش ف
يدها ولا كانت متعمدة إنها تنشغل عن كلامو!! فتح دفترو وقال ليها السؤال الثاني
لشنو قتلتي والدك!؟ شالت نظرها من يدها وعاينت ليهو وقالت بكل هدوء كان ف خلافات
مستمرة بيناتنا وف اخر مشكلة فقدت السيطرة ع نفسي وحصل الحصل!!
قال ليها بالسهولة دي! ردت مستنكرة
كلامو وقالت نعممم!! قال ليها السؤال الثالت والاهم مين كان معاك وقت ارتكاب
الجريمة!! جاطت فيهو وقالت انا إتسألت الف مره قبل كدا ونفس الاسئلة مكررة واطمنك
نفس الاجوبة م حتتغير!!؟ قاطعها وقال منو الطلب منك تتغير ولا انتي لشنو حاسة
بأنها ممكن تتغير!؟ سكتت وم ردت!! عاين ليها مسافة ودنقر ف اوراقو...قال ليها لما
انك مصرة حننتقل لاخر سؤال ودا الاهم!! منو الشخص الإنتي عايزه تحميهو من
العقاب!!؟ إتخلعت وم ردت!! إبتسم وقال ليها لشنو إندهشتي!؟ م إتوقعتي سؤال زي دا
لانك م إتسألتي ليهو قبل المره صاح!!
قالت بصوت بيرجف انا براي الإرتكبت
الجريمة م معاي زول،،قرب عليها شديد وشبك اصابعينو ف بعض وقال ليها وهو مبتسم!!
ومين القال ليك انو ف زول إرتكب معاك الجريمة!؟ انا م بتزكر اني قلت كدا!! جات
قايمة غضبانة وقالت ليهو انا م عندي اي اضافات بعد كدا! والعندي قلتو ف المحكمة!
ومش انا اتحكمت إعدام عايزين مني شنو؟ خلوني اموت بسلام!!
إبتسم وقال ليها من واجبنا تحقيق
العدالة ودا الشيء البوعدك اني احققو م عشانك!! عشان القسم الحلفناه امام نقيب
المحامين ورئس القضاء!! م إشتغلت بيهو كتير جات ماشة من فتحت الباب لقت ف شرطي
حارس الباب!؟ قال ي استاز خلصت شغلك؟ احمد المحامي قام ع حيلو ولفح جكت البدلة ف
يدو الشمال وشال شنطتو واوراقو وقال ليهو اول جلسة خلصت موعدنا بكره ف نفس الزمن ي
رغد!!؟ وكانت مندهشة من إلحاح المحامي ولا حتى اداها فرصة ترد ولا تعقب ع كلامو
وطلع من المكتب خلاها واقفة مع الشرطى!! طوالي نهرها وقال ليها قدامي ووداها
الزنزانة! شافت المعاها كلهم بعاينو ليها بإزدراء بالغم من انهم محكومين إعدام إلا
شايفين جريمتها بشعة ولا تغتفر!؟ وحاولو يدقوها كم مره ولدرجة إنها كانت ف سجن
إنفرادي بس بعداك نقلوها قسم تاني ومع انها ارتاحت من المضايقات الفعلية إلا انهم
هارينها بالالفاظ البذيئة والجارحة!؟ بس هي كتومة وهادئة وغالبا م بتكون راقدة ف
سريرها وبتقراء ليها ف كتاب بالغة الإنجليزية!؟ وبعد رجعوها ورقدت ف سريرها وبتفكر
ف كلام المحامي والشيء العايز يصل ليهو... جات بت قعدت جمبها وم حصل بت عملتها!؟
إستغربت بس ابت تسألها تفاديآ للمشاكل!! البت خبطتت رغد ف رجلها!! زحت الكتاب من
وشها وعاينت ليها!؟ ديك ابتسمت وقالت ليها طلعتي بتحسي!!؟ طيب وين كان احساسك لم
قتلتي ابوك!!
رغد ابت ترد ورجعت ختت الكتاب قدام
وشها!!؟ وفجأة البت خطفت الكتاب من يدها وجدعتو ف الارض وقالت ليها لم انا بتكلم
تقومي ع حيلك وتسمعيني!؟
رغد شالت نفس عميق وم ردت وقبلت ع
الحيطة والبت ختت ليها لبعة من امها ف ضهرها!؟ لمن رغد جات ناطة وقبل م اللبت
تديها تاني حاجة رغد تلبت من السرير!! وعايزه تحبي بعيد من البت وخلت باقي
السجينات بيضحكو!؟ بس السجينة التانية كترتها ومسكت رغد من رجلها وجرتها عليها!!؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#لست_بمجرمة3¥
بقلم:آلاء
آدم ابراهيم¢
رغد
بقت تجابد ف السجينة عشان تخلص رجلها!! بس البت كانت ضاغطاها شدييد من رجلها وتضحك
وباقي السجينات مجاملنها...رغد بعد صعوبة حتى قدرت تسحب رجلها وكانت خدرانة م
قادرة تحركها من شدة الالم!؟ السجينة التانية م اكتفت بكدا ودنقرت فيها وقالت لحدي
م يتنفذ إعدامك حنخليك تموتي الف موتة ي حلوه!! وقبل م تزح راسها منها رغد خنقتها
بالجنزير بتاع الكلباش!! وضغطت عليها بكل قوتها!! خلتها تكورك وترفرس وبتضرب ف رغد
عشان تفكها بس زولتنا عدمتها النفس لمن البت جسمها ساح ولسانة قرب يطلع!!؟ بس
السجينات كوركو والمشرفة جات جارية وجابت معاها الحارس وبعد ضرب رغد وفقدها الوعي
حتى قدرو يخلصو البت من تحت يدينها!؟ لم فتحت لقت نفسها ف الوحدة العلاجية حقت
السجن!! جات قايمة المشرفة قالت ليها القتل بقى عندك عادي مششش!؟ ومستعدة تقتلي اي
زول!؟ كتبوهم تعهد وعاقبوهم الإتنين ومنعوهم الطلوع من الزنزانة يوم الجمعة!؟
اللهو يوم النشاط للسجينات!!؟ وكانت السجينة تعاين لرغد كل شوية نظام حقي م بخلي!؟
وف اثناء م هم مرجعنهم الزنزانة رغد قالت بينها وبين نفسها كدي نشوف تاني البيتجرأ
ويسألني منو!؟ ومن دخلو وقفلو عليهم الباب والمراقبة مشت!؟ السجينة الخنقوها جات
عانية رغد وهنا رغد قامت ليها فوق وقالت ليها براك جيتي للموت برجليييك!؟ وانا
قتلت ابوي م بقتلك إنتي!! البت طوالي إتراجعت وم كملت جيتها بس عشان م تتحرج قدام
زميلاتها بقت تنبز ف رغد وبتهيج وتكورك بصوت عالي باين انها كانت خايفة!؟ لدرجة
انو المشرفة سمعت جوطتها وجات دقت ليهم باب الزنزانة وتاوقت بالمرابع الصغير الفي
الباب وقالت ليهم إنطمو ولا كان دخلت م بيحصل خييير!! حتى البت سكتت وقعدت ف
سريرها وبتحمر لرغد وهي هنا تتبسم ساي وتقول بنات اللزينا إلا يقدروهم كدا!؟
ورقدت
ف سريرها!؟ اليوم التاني من الصباح وع غير العادة جاها الحارس ومن قال
النزيلة445تلبت من السرير وجري ع الباب ولمن عترت لانها مشت سريع ونست إنو رجولها
مكلبشة!؟ وبرضو م رحمها ودفرها لمن هبكت ع وشها وقال ليها سنه حتى تجي!؟ شالت نفس
سخن وقالت ليهو اسفة! جراها من يدها ومشي بيها ع مكتب الضابط!!؟ من فتح الباب شافت
استاز احمد قاعد ومتجه ع الشباك ومن حسى بأنو الباب إتفتح إتلفت عليهم مبتسم!؟
كالعادة اخر شياكة وهندمة!! الحارس قال ليهو بعد تخلص جلستك انده لي ولا لو إتصرفت
معاك اي تصرف غير لائق انا قريب!؟ وحمر ليها وقال اصلا الاشكال دي اي تصرف متوقع
منها!؟ وطلع وقفل الباب وراهو!؟ كانت واقفة وبتعاين ليهو قال ليها صباح الخير!؟
ابت ترد!! رفع حاجبو بإزدراء وقال ليها طيب حنبدأ وإنتي واقفة كدا!؟ برضو م ردت
وجات ماشة ع مهلها!!؟ إتغاظ منها وعكرت عليهو مزاجو اخد تنهيدة مسموعة وفتح شنطتو
طلع منها اوراق..هي قعدت ف الكرسي وكانها قاعدة ف شوك!؟ تتململ وتصرصر ف وشها!؟
قال ليها غير انك مجرمة ومغرورة كمان وشايفة نفسك ع شنو م معروف!؟ طنشت وابت
ترد...قال ليها م علينا وخلينا ف سبب جلستنا!؟ ياداب سمع صوتها وقالت ليهو يكون
احسن!؟ عاين ليها بطرف عينو وهزا راسو وهو مبتسم!؟ قال ليها حوقف تنفيذ الحكم
ضدك!؟ قالت ليهو كيف يعني قال ليها لانو القاتل الحقيقي سلم نفسو!! بكت وقامت ع
حيلها وختت يدها ع وشها وبقت تقول لشنو عملتي كدا!؟ انا قتلت انا اعترفت وانا
اتحكمتا عايزين من امي شنو!؟ انا قتلت!!؟
ضحك
وقام ع حيلو وهي كانت بترجف من شدة الخوف وكانت منهارة شديد!؟ ختى يدينو ع الطاولة
وبعاين ليها مبتسم وقال ليها اخيرا عرفنا القاتل الحقيقي!؟ شكرا ع المساعدة!؟ وبدا
يلملم ف اوراقو هي من قوة الصدمة لمن قعدت بقوة ع الكرسي وقربت تقع وبتعاين ليهو
فاتحة خشمها وبتأشر بيدها والكلام غالبها!؟ وبعد صعوبة حتى قدرت تقول تقصد شنو
بكلامك دا!؟ دنقر عليها شديد وقال ليها ي سيدتي المتعجرفة!!؟ كنت حاسي بأنك متستره
ع شخص تاني بس م اتوقعت انك تكشفي اسمو بالسهولة دي!! كانت مجرد فكرة ولحسن الحظ
نجحت!؟ بكت وبقت تخبط راسها ف الطاولة وقالت ليهو إنتظر إنت احتلتا علي يعني ماف
زول جا اعترف!؟ وانا كمان رجعت ف كلامي دليلك شنو ع اني قلت كدا!! ابتسم وقال ليها
م عندي دليل بس اديتيني رأس الخيط بتاع القضية ونفس الخدعة دي حتنطلي ع والدتك
ونقول انك اتهمتيها بأنها هي القتلت!؟ فقد تعترف!؟ وقد تنكر!! وبكدا حنكون حققنا
العدالة!؟ وشكرا ليك مره تانية ودي اخر مره تشوفي وشيء!!
جرت
عليهو بتبكي وإترجتو إنو م يدخل امها ف الموضوع انها هي القتلت ابوها!!؟ م إشتغل
بيها كتير وجا طالع قالت ليهو خلاص اقيف انا بحكي ليك الحصل بترجاك إنتظر مش إنت
عايز تعرف الحقيقة انا حوريك ليها!!؟ قرر انو يسمعها بس حاول يوترها لانو مغيوظ
منها وعايزها تخاف اكتر عشان تطلع كل الجواها!؟ وعمل فيها انو م مهتم وعايز يطلع
من المكتب!؟ ضرخت وبركت ف الارض وقالت ليهو حاول يعتدي علي جنسيآ!!؟؟
فصدمت
المحامي وإتجمد ف مكانو!؟
يتبع ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#لست_بمجرمة4¥
بقلم:آلاء
آدم إبراهيم¢
الكلمة
نزلت زي الصاعقة ع احمد وإتلفت عليها بغضب وعاين ليها بإحتقار!! وقال بينو وبين
نفسو معقولة تكون منحطة للدرجة دي!؟ وتتهم ايوها اتهام زي دا!!؟
وهي
كانت ف حالة هستيريا من شدة البكاء وقال ليها نحنا مسلمين!؟ وف المسلمين سودانين!!
يعني كلام دا غير منطقي ولا بيتقبلو العقل!؟ وكان اخير يعدموك ولا تكذبي كذبتك
دي!! شدت شعرها شدييييد بيديها الاتنين وكانت بتبكي بحرقة!! وقالت ليهو وهي خشمها
بيرجف من شدة الإنفعال! عشان كدا انا كنت عايزه اموت! لاني متأكدة انو ماف زول
حيصدقني؟
وقالت
كلمات كدا م مفهومة لانها فقدت السيطرة ع نفسها ووقعدت مغمى عليها!! وم شافتو إلا
جاري عليها وسمعت كلامو بعييييييد وتاني م وعت ع نفسها!؟ بعد فتحت لقت نفسها ف
الوحدة العلاجية بتاعة السجن ومركبين ليها درب!؟ لانو جاها إنهيار عصبي حاد...ومن
قبلت ع الشباك شافت احمد بيتكلم برا بالتلفون ومن لمحها وشافها صحت!! قفل الخط
وخشى عليها...قال السلام عليكم؟قالها بطريقة غريبة وكأنو مجبور انو يتكلم!؟ ولا
قال ليها بقيتي كيف ولا حاسة بشنو ولا كتر معاها!! ردت السلام وصلحت رقدتها ف
السرير!؟ وبدون م تقصد لقت نفسها جرت سير الدرب عن الفراشة وقرب يطلع منها! عايزه
تصلحو باليد التانية بس كانت مكلبشة ف السرير!! احمد طلع جمب باب الغرفة ونادى
ممرضة السجن بس اظنها كانت ف الفطور!؟ وماف زول إستجاب ليهو..ف إضطر إنو يساعدها
بنفسو وكان ممتعض الحكاية وقال اخر الزمن من محامي ابقى ممرض!؟ ركب ليها الدرب
كويس وإتجه ع الباب..قالت ليهو شكرآ!؟ م رد عليها وطلع فضلت تفكر ف الممكن يحصل
معاها بعد دا!! ودموعها نزلو بأضنيها وشالت نفس عميق وقبل م تزفرو جا خاشي الضابط
ومعاهو احمد!؟ وسمعتو قال للضابط خليها تاخد راحتها وبواصل معاها ف يوم تاني!؟ وجا
طالع قالت ليهو بنهرة ممزوجة بترجي!؟ لو سمحت اقيف! شال نفسو وقال ليها نعم...قالت
ليهو انا مستعدة اواصل والليلة اكتر يوم انا مستعدة احكي فيهو!؟ الضابط صر
حواجبينو وقال لاحمد فهمني حاجة!؟ احمد قال ليهو ف اثناء جلستي المغلقة معاها حصلت
مستجدات ف القضية!؟ الضابط هز راسو وقال ليهو إذا عايز تواصل معاها عندك الخيار
سوي البتشوفو مناسب!؟ ولا سلمها لحرس السجن!؟ احمد اومىء براسو بمعنى تمام!!
والضابط طلع...قال ليها إنتي مصرة ع اعترافاتك الجديدة!؟ قالت ليهو وعندي م يثبت
كمان!! قال ليها خلاص نواصل!! ولم طلع اوراقو وقفتو وقالت ليهو م عايزه زول يسمع
ويستحسن انهم يرجعو مكتب الضابط!؟ وفعلا طلع نادى الحارس وفكى ليها الكلباش وهي
طلعت الدرب قبل م يخلص وهو بعاين ليها ومشو ع المكتب...قعدت ف نفس الكرسي المعتاد
وهو رفع رجلو ف الكرسي المقاصدها!؟ وقال ليها قولي انا سامعك!!؟ بكت!! حمر ليها
وقال لو سمحتى بطلي دراما واحكي!! قشقشت دموعها وشالت نفس سخن وقالت ليهو اولا هو
م ابوي!!! احمد قاطعها بضحكة وقال ليها إنتي مخبولة وعايزه تضيعي زمني وتألفي
قصص!؟ وإتلفت ع الطاولة وشال شنطتو نظام ماشي!؟ وكان جادي!؟ قالت ليهو شهادتك
بتاعة المحاماة قطعها واكلها بموية!؟ وجات قايمة!؟ غضب منها ومسكها من يدها ولمن
وشو رجف وقال ليها إنتي عايزه تعلميني شغلي!؟ وهو إنتي ليك عين تتكلمي!؟
قالت
ليهو قد م اكون محامية ولا درست قانون بس إذا م درست الموضوع من كل جوانبو م بحكم
ع الشيء وجات ماشة !؟ بالجد إستفزتو بس كلامها صاح!! إضطر المره دي يتأسف منها
وقال ليها بعتذر!؟ بس م ليك إنتي!؟ لانك م بتستاهلي حتى الشفقة!؟ إتلفتت عليهو
ونظرت ليهو بتعجب!؟ لانو إرتكب نفس الغلط مرتين وحكم عليها بظاهر الحال!؟ فلم شاف
نظرتها ليهو إتزكر انو ارتكب نفس الحماقة ف إبتسم وقال ليها ممكن نواصل؟ اخدت
تنهيدة ورجعت ع كرسيها!؟ وقال ليها كملي!؟ قالت ابدا من وين!؟ قال ليها من بداية
القصة!؟ دموعها رقرقو وقالت ليهو بس قصتي طويلة!؟
إبتسم
وقال ليها ورانا شنو!؟ لسسسه اعدامك فضل ليهو شهرين!؟ قشت دمعتها وشالت نفس عميق
وقالت...!؟
يتبع ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#لست_بمجرمة5¥
بقلم:آلاء
آدم إبراهيم¢
احمد
بعاين ليها متلهف للكلام الحتقولو ولمن صلح قعدو! وهي قالت؟ انا اسمي رغد حاليآ
عمري 23سنة،احمد قاطعها وقال ليها لا عايز من البداية!؟صرت حواجبينها وقالت شيل
الصبر؟ولو سمحت م تقاطعني إلا ف حاجة مهمة!؟ ابتسم وقال ليها ماشي كملي،قالت
اتولدنا هنا ف الخرطوم وكنت وكنا عايشين برانا!! يعني انا وامي! ابوي كان مغترب
ومره يعد معانا عمي ومره خالي بس ف اغلب الاحيان بكون بس نحنا الإتنين!؟ المهم
الزمن جرا سريع ولحدي م دخلت اولى مدرسة وخلصتها وف إجازه تانية حتى ابوي جا!! ومن
هنا بدت قصتي المؤلمة!! انا م بعرفو غير ف الصور! واتكلمت معاهو قبل كدا بس مره
بعد شهر ولا كم شهور!؟ المهم كان طيب وحنين شديد معاي! ويقول لامي انا لازم اعوضها
عن حنان الاب الإتحرمت منو طيلة الفترة المضت! وامي كانت مبسوطة اكتر مني!! انا
لاني شافعة الوقت داك م كنت عارفة نوتياهو ومفتكرة كل الكان بيعملو شيء طبيعي واي
اب بعملو مع بناتو؟! بعداك هو إستقر ف السودان...وانا اجازتي خلصت ونزلت الصف
التاني اساس وامي كانت حامل بأختي الاصغر مني طوالي،ومن هنا انا بديت الاحظ
للتصرفات!! امي بترقد برها كانت م عارفة بسبب الحمل ولا كان ف خلاف بيناتهم وانا
لو راقدة معاها بشيلني منها ورقدني معاهو ف الغرفة!! بكت وقالت لاحمد لو سمحت
اعذرني م بقدر احكي التفاصيل؟! عاين ليها مصدوم وقال بدون م يفكر راحتك اصلا انا
مندنج معاك؟! شالت نفسها وقالت ليهو يلا كانت بتحصل حاجات م ظريفة م معاي بس
بيتعمد يخليني اشوف المهم...عدت الايام وامورهم ظبطت مع امي وجابو لينا بابوية
سميناها وعد بس انا بعض التصرفات علقانة ف راسي!! وبسأل صحباتي اني ابوك بقول ليك
شنو؟ وانتي ابوك بيعمل ليك شنو!؟ وحصل شفتو ابوكم وهو مجرد من ملابسو ولو بكون شبه
عاري وبنومكم معاهو!؟ كلنا كنا اطفال بس إستنكرو الحكاية وكل واحدة بتحكي عن ابوها
وبعداك نسبنا الموضوع ولعبنا ودخلنا الفصل!!؟ بس انا م نسيت؟ برضو الايام عدت وامي
وضعت مرتين وانضافو للاسرة ربا ومحمد...وانا لم بديت افهم واعرف انو تصرفات ابوي
معاي غلط وخارقة للعادة والقاعدة الابوية بقيت بكرهو!! او بالمعنى الاصح بقيت اخاف
منو وببعد قدر المستطاع وطول الوقت بكون بلاعب ف اخواني ومن هو يجي انا بقوم!! امي
شاكلتني وتقول لي دا ابوك لشنو بتعملي كدا!؟ وهو قصر معاك ف شنو!؟ ومرات بشوفها ف
المطبخ بتبكي وم بكون عارفة السبب!! وراقبت ابوي كذا مره لم يكونو اخواتي معاهو م
بيتصرف معاهم زي م بيعمل معاي!! ودا الشي البخليني ابكي بدون م اعرف المشكلة شنو
ولا السبب شنو!؟ فكبرتا اكتر ووصلت الصف الثامن بالرغم من اني لسه طفلة م حصلت
15سنة بس كنت ف كامل انوثتي وكانو عمري18 او19 ومن هنا زادت المضايقات وبقت قولية
وفعلية تعالي ي قلبي وكلام فارغ ولم يديني المصروف يلمس جسمي ويقول لي اتمسي ياخ
وقبل م اطلع بقبل بناتو الباقيات ع جبينهم بس انا بودععني بالاحضان!! ويقول لامي
بتي البكر دي انا بريدها!! وهي مبسوطة!! ف الوقت داك كنت ف عقدة نفسيةولدرجة انو
دراستي تدهورت ومرضتا عديل لم اسمع البنات بقولو شنو عن ابهاتهم وعن الاحترام
والخوف منهم!؟ ياخ انا كنت بموت!!؟ رغد إنفعلت شديد احمد جا عليها واداها موية
تشرب ومدا ليها منديلو الخاص!! لانو مناديل الورق ف حالتها دي م حتنفع!! جسمها كان
معرق لدرجة ودموع ومخاط وبلاوي!؟وبالرغم من انها بتعاف شديد بس م انتبهتت انو دا
منديلو الشخصي وقشقشت دميعاتها وعايزه تواصل!! لم انتبهت للمنديل جدعتو من يدها
وقشتها ف ملابسها!؟ ضحك وقال ليها انا المستحيل استخدمو تاني!؟ ابتسمت وقالت
نواصل!! قال ليها سامعك! شالت نفس حاااار وقالت...بعداك المدرسة لاحظت إتكاستي ف
الدراسة ومن اوائل الدفعة بقيت اجي مع الطيشة وحتى سلوكياتي اتغيرت إنطوائية
وحاربت صحباتي عشان م اسمع كلامهم عن اهلهم وبقيت وحيدة بمعنى الكلمة بعد المدرسة
طلبت حضور اهلي امي إستغربت ونفت للمدرسة وجود اي خلافات اسرية!؟ واكدت ليهم انهم
اكتر اسره سعيدة...بس هو كان عارف انا بمر بشنو!؟ ونصحو اهلي انهم يقعدو معاي
ويقربو مني اكتر!! المهم بعد الواقعة دي خفف من الصرفات والتلميحات وبقى يكتفي
بالنظرات الشهوانية البتقتلني الف مليار دشليون مره!!؟ ورغد صرخت!؟ الحارس جا جاري
قال خير ف شنو!؟ احمد قال ليهو ماف شيء بس إنفعلت شوية!؟ الحارس حمر ليها وطلع!
احمد قال ليها بتقدري تواصلي!؟ هزت رأسها بمعني اي بقدر!! احمد وسع الكرفته حقتو
وبايت عليهو التوتر بس م حبى يظهر ليها...قالت ليهو لم الامتحانات قربت انا اصريت
ع امي امشي ناس حبوبة ولانو اخواني م بخلوني اقرا هي وافقت بس الاسمو ابوي اعترض
وبعد تعب حتى امي اقنعتو!! انا بعداك ياداب شميت الهواء وحسيت بأني طبيعية ياخ
نفسي اتفتحت للقراية ولاني اصلا شاطرة المادة كلها م بتاخد معاي اسبوع وامتحنت
الشهادة ورجعت تاني للعذاب والحمدلله نجحت بتفوق وخشيت مدرسة ثانوية نموزجية وبقيت
بت ثانوي والم عارفني بقول بت جامعة!؟ ومن انا وصغيرة بقولو لي دكتورة رغد!! ومن
هنا اتحولت حياتي لجحيم!؟
يتبع ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#لست_بمجرمة6¥
بقلم:آلاء
آدم ابراهيم¢
احمد
قال ليها معقولة دا كلو حصل ف طفولتك!؟ ابتسمت وقالت ليهو إنت لسسسه م عارف الحصل
شنو بعداك!؟ صر حواجبو وقال ليها ماف افظع من الإتحكى لانك خدشتي الابوبة بقصدتك
دي!!
دنقرت
رأسها وقالت ليهو لﻷسف دا الحصل!؟ بس للمرة الالف اقول ليك هو م ابوي!!
شال
نفسو وقال ليها طولنا شديد اليوم وشاف الزمن لقاهو قريب2م وقال ليها ارجعي ع
زنزانتك وافطري ونواصل بكرة!! قالت ليهو اسفة إذا دخلتك ف متاهة بسبب قصتي!؟ قال
ليها دا شغلي ومتعود ع كدا!؟ بس المره دي غيييير!! اول مره استلم قضية من النوع
دا؟ وقد تكون الاولى ع مستوى المحاكم!!؟ قالت ليهو ودموعها ماليات وشها!! وم كل
حاجة بتصل المحاكم م تتخيل المسكوت عنو قدر شنو والبيوت دي ورا جدرانها مخبية
شنو!؟ بس م كل زول بيمتلك الشجاعة ف انو يصل المحكمة!؟ لانهم بخافو من المجتمع
ونظرتو وكلامو عنهم اكتر من حكم القضاء!! فبخلوه مدفون!! عاين ليها بإستغراب وكأنو
اول مره يشوفها!! لم م لقت منو رد او تعليق ع كلامها رفعت عيونها وعاينت ليهو لقتو
لسسسه سرحان فيها؟ قال الوووو!؟
ابتسم
وقال ليها بعتذر كنت بفكر ف حاجة! وشال بدلتو وشنطتو وقال ليها يلا السلام عليكم!
وم انتظرها ترد وطلع!؟ وقبل الباب يقفل ثبتو الحارس وجا خاشي!؟ قاليها يلا طيري
قدامي دائما معطل شغلي عشانك!؟ وهو انتي اتحكمتي اعدام تاني الجلسات لزومها شنو!؟
موتي وريحينا!؟ ابت ترد لانو لو فتحت خشمها ساي ممكن تتعاقب! المهم وداها العنبر
وسلمها للمشرفة دخلتها وقفلت عليهم الباب...لم وصلت سريرها لقتها موسخنو ليها بطين
ولا بشنو م معروف بس شكلو مغزز بس الوجع القلبها وخلاها تجن لم لقت كتبها مقطعة
ومشتتنها حولين السرير جاطت ونبزت لاول مره بس ماف زول ردا عليها وبقت تهدد والله
اعرف العمل كدا إلا اقتلو!! والعايزني يواجهني وانا مستعدة!؟ بالجد ف اللحظة ديك
لو واحدة إعترضت طريقها ممكن عادي ترتكب فيها جريمة بس ماف زول عبرها!! والسجينة
الكان إتشاكلت معاها المره الفاتت راقدة ف سريرها وتتبسم وتشاغل ف زميلاتها!!؟
لحدى المشرفة دقت ليهم الباب وقالت رجعنا ل قلة الادب تاني!؟ رغد إتكلمت
معاها بالمنفذ بتاع الباب وقالت ليها شوفي عملو شنو ف اغراضي!؟ المشرفة ولا بردت
لرغد قلبها وقالت تحرقو ولا تغرقو م مهم عندي بس م عايزه اسمع نفس!؟؟ بل قالت ليها
ي النزيلة445ع سريرك، ومشت...رغد شالت نفس حااار ورجعت لملمت ورقها وجات بت
ساعدتها خلت البقية يتهامسو ويعاينو للبت وبحمرو ليها!؟ رغد شكرتها وم قدرت تقعد ف
السرير بوسخو داك! البت قلبت المرتبة وجدعت الملاية ف الارض وإبتسمت وقالت لرغد
كدا حتقدري تقعدي!!؟ رغد ابتسمت وشكرتها ومدت ليها يدها وقالت انا رغد...البت
عاينت ليها جووة عيونها ومدت يدها سلمت عليها وقالت ليها تشرفت رغد انا امل!!
وطلبت منها انو تقعد معاها ف سريرها لانو لو المشرفة جات لقت ف نزيلة راقدة ف
السرير بدون ملاية حتتعاقب!! وفعلا مشت قعدت معاها واتونسو!! وضحكو وباقي البنات
يخشو ف النار ويمرقو!؟ وفعلا المشرفة ف تمام6 لقت رغد مع النزيلة التانية وعرفت
الحصل وبرضو م سألت عن العمل كدا منو عشان م يحصل شغب وجوطة ف السجن امرت رغد
بأنها تطلع تغسل الملاية وادتها واحدة تانية تفرشها!! رغد فرشت الملايا النضيفة
وشالت الوسخانة وطلعت مع المشرفة واثناء م هي طالعة لمحت امل ابتسمت ليها ومشت
تغسل الملاية..ومن المشرفة طلعت النزيلات هجمو ع امل بس طلعت حديدة صغيرة زي
المطوة وقالت الابوها راجل تحصلني!! واحدة قربت عليها ماف!؟ رغد جات وكان بالها
مشغول ع امل لم لقتها راقدة ف سريرها وبنفس الحديدة بتنضف ف ضفورها ضحكت...وقالت ليها
خفت عليك بس تبارك الله طلعتي شفتة!؟ امل ابتسمت وقالت لرغد من غير مطرود ع سريرك
انا نعسانة! رغد مشت سريرها وتتبسم؛وفضلت تفكر قصتها وكلامها للمحامي اعاد ليها
زكريات اليمة وبقت تبكي لحدي الصباح!! ونامت اقل من ساعة ضربو ليهم الصافرة
وطلعوهم من العنابر!؟ للمتابعة ومن هناك ودوها مكتب الضابط والبقية رجعوهم
الزنزانة!؟ ومن دخلوها لقت احمد منتظر وظاهر عليهو الملل وع غير العادة جا عليها
مبتسم وسلم عليها بطريقة حلوة،فلم شافها تتبسم ولاحظ انها مستغربة من تصرفو! قال
ليها اليوم رايق وذهني صافي يلا نبدأ عشان م نتأخر اكتر!؟ قالت ليهو تمام وقفنا
وين!؟ قال ليها لم دخلتي الثانوي!؟ شالت نفسها وقالت ليهو ف الاول بعد النتيجة
طلعت اصريت ع امي اني اسكن مع ناس حبوبة وهي كانت رافضة بس قالت لي لو قدرتي تقنعي
ابوكي امشي!! ودا كان اسوأ يوم ف حياتي ومستحيل انساهو...كنت معاها ف المطبخ وابوي
لسسه م جا من الشغل واخواني ف التلفزيون وانا بفكر ابدأ معاه من وين ولا اقنعو
كيف!؟ المهم قلتا لازم اتصرف وبعد جا ختينا الغدا واتونسنا هو جاتو مكالمة شال
تلفونو وطلع وامي بتعاين لي!! وبتقول لي امشي ليهو وانا خايفة بس مضطرة...فعلا لم
دخلت عليهو ف الغرفة لقيتو وافق جمب التوليت وماسك تلفونو ومع اني مستخسرة فيهو
كلمة بابا بس قلتها وقلت ليهو انا عايزاك ف موضوع!!؟ عاين لي بطريقة غريبة وقال لي
جدا تعالي!! ومدا لي يدو انا ماشة عليهو وجسمي كاشي!! ضحك وقالي مالك مترددة!؟ انا
بابا حبيبك!؟ لم وصلتو مسكني من يدي وقعدنا ف السرير طوالي زحيت من جمبو وكأنو زول
غريب عني!! عاين لي بنفس الطريقة القبيل وقالي قولي!! انا هنا جاتني خوفة عجيبة بس
قلت ليهو انا عايزه اقعد مع ناس حبوبة!؟ افتكرت إنو حيجوط ولا يشاكلها!؟ بس ضحك
وقرب علي شديييييد وقربت اقوم جارية ولم قلبي ضرب وجيت قايمة بس مسكني
من يدي!؟
نواصل
بعدين...
،،،،،،،،،،،،،،،،،،،،،
#لست_بمجرمة7¥
بقلم:آلاء
آدم ابراهيم¢
انا
لم مسك يدي تلقائيا صرخت،امي جات جارية مفتكراهو ضربني!؟ وهو لسه ماسك يدي وبعاين
لي!! امي لم جات داخلة قالت لي ف شنو!؟ قال ليها اسألي بتك!!
قالت
لي رغد مالك قلتا ليها ماف شيء بس مسك يدي!! امي قربت تضربني كف؟ ابتسم وقال لي م
بحق لي امسك بتي من يدها!؟ امي جاطت فيني وهي الكانت عايزه تضربني لاني خلعتها بس
هو منعها وقال ليها اطلعي خلينا برانا!!وقال ليها بإبتسامة كدا تاني اياك تدخلي
بين الاب وبتو!! هزت راسها وشالت نفسها وقالت الله يصبرني عليكم وطلعت...قعدني
جمبو ف السرير ومن قال رغودة انا دمعتي جات نازلة!! قالي ي عيون بابا لشنو بتبكي
وحاول يقش دمعتي بس سبقتو وقشيتها براي عشان يدو م تمس وشي!! قالي من الاخر كدا
ماف رحولة لناس حبوبتك ولو كترتي الكلام حتى الزيارات ليهم ح امنعك!! بكيت بحرقة
وقلت ليهو لشنو؟ قالي لاننا م بنقدر نقعد من دونك! انتي بتنا الكبيرة والمميزه
عندي..وبدا يداعب ف خصلات شعري ويرجعهم لي ورا اضاني... انا انفعلت وقلت ليهو انا
غلطت معاك ف شنو!!؟ انت مش ابوي!! لشنو بتعاملني وكاني!! وخجلت اتمها،بس كنت حاسة
بأنو دا غضب رباني واقع علي ولا لعنة!! احمد شافها انهارت وقربت تدوخ قعد ع رجل
واحدة قدامها وقال ليها اهدي رغد!! واداها موية بس م بتقدر تشرب لانها م قادرة
تمسك الكباية من الاساس وجسمها كلو بيرجف!! ربت ع كتفها وكأنها كانت محتاجة زول
يطبطب عليها فزادت ف البكاء!؟ احمد قام ع حيلو وبقول بينو وبين نفسو اسوي شنو ي
ربي!؟ وطلع برا للحارس قال ليهو نادي الممرضة سريع!! ورجع لرغد لقاها خاتة
راسها بين رجلينها وم طالع ليها صوت!؟ اتخلع قايلها اغمى عليها جرا عليها ملهوف لم
رفع راسها قامت معاهو وعيونها م قادرة تفتحهم من شدة البكاء!؟ شبك يدينو ورا راسو وقال
ف سرو دي مصيبة شنو دي!؟ وكأنها قرت افكارو وقالت ليهو اسفة بس اتزكرت اليوم
المشؤم داك وم قدرت اتمالك نفسي!؟ شال نفسو وقال ليها عادي لو تعبانة اخدي راحتك
ونواصل مره تانية!؟ قالت ليهو بنهرة اوعك إلا دي!! تاني م عايزه ارجع بالزاكرة
لليوم دا!؟ قال ليها بإستغراب حصل شنو ف اليوم داك!؟ قشت دمعتها وشالت تنهيدة قوية
وقبل م تفتح خشمها الممرضة جات داخلة!؟ رغد قالت ليها انا كويسة م بحتاج؟ الممرضة
شمت الوضوع وقالت ل رغد بنهرة انا اخلي شغلي واجي تقولي لي كويسة!؟ تاني بجي
والداير يموت جيبوه لي ف الوحدة العلاجية!؟
كلامها
اكل جمبة مع احمد وجاط فيها وقال ليها دا شغلك!؟ وتجي ف اي وقت ولا ع كيفك!؟ وكلام
كتير خلا الممرضة تتراجع وتطلع! رغد بكت تاني؛قال ليها ي بت م بتفتري من البكاء
انتي م تزعلي دي متخلفة ساي!! هي م بكت من كلام الممرضة!؟ بكت لانو اليوم ف زول
دافع عنها!! م متعودة ع تصرف ذي دا! قال ليها يلا اهدي كدا ونواصل لانو الزمن
محسوب علينا ي رغد وللان انتي ف موضع حرج وكل القلتيهو دا م بنجيك والجريمة حصلت
كيف دا م وصلناهو فلازم نواصل!؟ قالت ليهو خلاص تمام...لم قلتا لابوي كلامي داك
شال نفس عميق وقالي تقصدي شنو!؟ يلا انا خلاص قلتا لازم اخت النقط ع الحروف وحركات
الإستغباء البيعملها معاي دي م بتنفع لازم نتواجه!! قلت ليهو انت م بتعاملني كبنتك
ولا بتنظر لي كأبنة انا بخجل انك ابوي!! وم قادرة استوعب تصرفاتك...إنت عملت لي
عقدة انت حطمتني!!؟ معقولة ف اب زيك!؟ وهو اصلا انت اب!؟ جراني من يدي ووقف بي
قدام مرايا التوليت وقالي ف شبة بيناتنا!؟ ف شبه بينك وبين اخوانك!؟ م سألتي نفسك
انتي لشنو مختلفة عننا!!؟ عاينت لاحمد وقالت ليهو انت متخيل المنظر لم اب يقول
لبنتو اللسه م تمت 15سنة الكلام دا!! لم يقول ليها انتي م بتي!! وطلع خلاني
مصدومة!! انا بت منو!؟ ولو م كنت بتو معقولة يتعامل معاي كدا!! بدون م يراعي لكلمة
بابا بدون م يراعي لنظره الناس لينا كأب وبنتو¡¿ ياخ لو م كنت بت مرتو وكنت مجرد
بنت لقيطة معقولة يستغل تربيتو لي لاغراض شهوانية ولا غيرو!؟ انا ي احمد عشت اسوأ
ايام حياتي وفقدت الثقة ف اي زول حتى امي بقيت اشك انها امي!؟ انا بت منو وجابوني
من وين!؟ وهل كلامو صاح ولا م عندو مبرر لتصرفاتو واختلق قصة انو م ابوي!! بالجد
انا كنت ف حاله يرثى لها!؟ احمد مسكها من يدها وقال ليها اهدي دي مجرد إبتلائات!!
وإتكلم معاها شوية عشان يخفف عنها ويطلعها من الجو الكئيب الفيهو بس فشل!!؟ رغد
كانت محطمة كليآ...عاينت ليهو وقالت لو سمحت ي احمد انت محامي خليك ف شغلك وم
تتعاطف معاي!؟ انا بكره الشفقة؟ صر حواجبو واعتذر منها وقال ليها خلاص جلستنا
إنتهت مع السلامة!!؟ وهو بلم ف حاجاتو قالت ليهو انا بعداك بديت انتبه لكلام ابوي
انا ملامحي م زي باقي اخواني ولا حتى لوني!؟ وحاولت اسأل امي كتير عن الموضوع بس
اقول ليها شنو!؟ انتي منو ولا انا بت منو!؟ م عرفت ولا قدرت وخفتا وغير كدا
عمري م بيسمح اني اتناقش ف مواضيع زي دي وم عندي زول قريب مني استشيرو كنت وحيدة
بمعني الكلمة!! كانت بتتكلم واحمد لملم حاجاتو وكان ماشي ع باب المكتب واكيد سامع
كلامها بس م اتلفت عليها ولا علق!؟ فقالت ليهو من اللحظة ديك انا بقيت واحدة تانية
اتغيرت180درجة!؟ بكرة حوريك عملت شنو!؟
طلع
وقفل الباب وقبل م الحارس يجيها جوة ويشغلها ليها اتلقتو ف الباب وبرضو حمر ليها
وجراها ع العنبر.!؟
نواصل
بعدين
،،،،،،،،،،،،،،،،،،،،،،،،،،،،،،،،،،
#لست_بمجرمة8¥
بقلم:آلاء
آدم ابراهيم¢
رغد
كرهت العنبر والفيهو وحتى حياتها بس دا واقع إنفرض عليها ولازم تتقبلو...كالعادة
كانت راقدة ف سريرها وبتتزكر ف الجامعة ودفعتها!!؟ واخوانها! وماف زول حاول يزورها
ولا يتواصل معاها بأي طريقة،وجاتا رغبة ف البكاء بس حتى البكاء ابا يجيها وفضلت
مخنوقة وتتقلب للصباح..جو طلعوهم وكانت بتتمشى براها وبعداك حثلتها امل وبقو
يدردشو مع بعض!؟ ورغد سألت امل عن الجريمة الإرتكبتها شنو وهل اتحكمت إعدام ولا
لسسسه!؟ امل ابتسمت وقالت ليها زيك واحد بس انا المحامي بتاعي إستأنف الحكم!؟ رغد
قالت ليها والجريمة شنو!؟ امل ضحكت وقالت ليها العقوبة إعدام حتكون جريمتي شنو
مثلا افعال فاحشة!؟ رغد ضحكت...امل قالت ليها انا ي ستي قتلت بت جيرانا واختها
التانية اسسسه ف العناية يمكن تحصلها!؟ رغد صرت حواجبها وقالت ليهو والسبب شنو!؟
امل قالت القصة طويلة وم مهمة بس كل الحصل مشاكل عادية بس طوروها وكل م نتلاقي
يغلغلوني بالكلام ويطاعنوني وحصلت لدرجة انهم جو بيتنا ودقوني تصدقي!!؟ المهم بعد
فترة تاني اتناقشنا وانا خلاص وصلت حد الصبر رجعت بيتنا شلت سكيني وحشيتهم ليك
واحدة مشت القبر والتانية ف المستشفي وانا إنحكمت إعدام بس المحامي قال دا قتل شبة
عمد واستفزاز شديد ولا استفزاز كامن م بعرف ليهو المهم هو زول قانون وبيفهم ف
المواضيع دي واكد لي انو حيسقط عني الإعدام وصدقيني م فارقة معاي اصلا حياتي كانت
بائسة ومافيها شيء يستاهل يعيشو عشانو!! رغد م عرفت تقول ليها شنو!؟ بس اكتفت
بكلمة البسويهو الله حلو!! وعم السكوت وبعد دقيقيتين كدا رغد قالت ليها وم عايزه
تعرفي انا ارتكبت شنو!!؟ امل ضحكت ولمن وقفت المشي وختت يديها ف ركبها وإتلفتت
عاينت لرغد وقالت ليها اقسم بالله إنتي م قتلتي!؟ رغد نططت عيونها وقالت ليها كيف
يعني!!؟ امل وقفت قصادها وعاينت ف عيونها وقالت ليها ملامحك م ملامح إجرام وقاتل
الرقبة بتظهر ف وشو..وغير كدا انتي عسل ياخ!! عايزه توريني جريمتك!؟ لو قبضتي اصغر
شافع ف الشارع وقلتي ليهو سمعت بالبت الكتلت ابوها وحرقتو حيتم ليك التفاصيل!؟ رغد
اتخلعت وقالت ليها للدرجة دي القضية اتشهرت!؟
امل
شالت نفسها وقالت لرغد م تشغلي بالك حتتعدمي قريب وحترتاحي من كلامهم...رغد ابتسمت
وإستغربت لصراحة امل ولا وقاحتها ولاحظت انو الزمن مشى والحارس م جا يوديها للجلسة
المغلقة مع احمد لحدي م جو ورجعوهم العنابر،وسألت المشرفة بس قالت ليها شكلك
اتعودتي!؟ بقول ليك شنو هو!! وضحكت وقفلتهم ف العنبر ومشت وخلت رغد محتارة وبتسأل
ف نفسها!؟ ياربي بكون زعلان مني؟ ولا حاصل ليهو ظرف؟ ولا يمكن يكون م مصدقني!!
وقدر م حاولت تشيل الموضوع من رأسها م قدرت!! اليوم مرا عادي بدون م زول يسأل عنها
واليوم التاني نفس الشيء احمد م جا والتالت فخلاص يئست وقالت بكون قفل القضية
نهائيآ ونسى امري!! اليوم الرابع كانو ف النشاط حق السجينات ف البيلعبو كرة طائرة
وف البتريضو وف البتونسو وسجينات بيزرعو وناس امل ف المشغل بتاع السجن رغم انها
محكومة إعدام إلا شغالة تطريز وبشيلو بضاعتهم وببيعوها ليهم برا السجن!! المهم رغد
كانت قاعدة براها وسرحانة بعيييد لحدي م شافت المشرفة قدامها!!؟ وقالت ليها الضابط
عايزك!؟ بينها وبين نفسها بتقول ياربي انا عملت شنو!؟ ونست موضوع احمد...لم فتحت
المشرفة الباب شافت الضابط طالع من مكتبو وقال ليها خشي المحامي منتظرك!؟ حست
بقلبها عمل فححح ولمن ابتسمت!؟
دخلت
شافتو وصلت ع النبي من الوجاها والهندمة واللبس المتسق!؟ شافها ابتسم وجا عليها
سلم وإعتذر لانو م قدر يجي ف الايام الفاتت لانو كان ف مأمورية،قالت ليهو عادي ولا
يهمك اصلا دا شغلك كمحامي واكيد ماسك قضايا تانية؛ قال ليها اتفضلي جات قاعدة
والكلباش ضايقها قال ليها انتي لشنو مكلبشة!؟ قالت م عارفة مره شافوني راقده قالو
عايزه انتحر ومره يقولو بسبب بشاعة الجريمة وم عارفة السبب شنو لاني م سألت!؟ عاين
ليها بطريقة غريبة بمعني انتي غبية يابت!؟ ابتسمت وقالت خلينا ف المهم نواصل!؟ قال
ليها ثواني وطلع وجا راجع ف اقل من نص دقيقة وقف قدامها وقال ليها جيبي يدك!!
استغربت وبقت تعاين ليهو!! جراها براهو وكان شايل المفتاح؟ فكى ليها الكلباش وقال
ليها بإذن الله لو اتعاونتي معاي حقدر اطلعك من السجن دا!! بالجد م صدقت الحصل
وابتسمت بس حتى هي م عارفة سبب الإبتسامة شنو! فتح الباب ومدا الكلباش للحارس وقفل
الباب عليهم وجا قعد ليها ف طاولة المكتب وقال ليها اها واصلي¡¡
اولا
شكرتو ع حكاية الكلباش وقالت ليهو ف الايام الابوي قال لي فيها كلامو القاتل داك
كنت عايشة ف نفسيات لحدي م نزلت المدرسة ولقيت مروة!!؟ صحبتي الانتيم...ف الاول
كنت إنطاوئية وم عندي صحبات وشاطرة فمفتكرني مفترية او مغرورة بس ف حصة م بتزكر
كانت حقت شنو!؟ جات مروة قعدت جمبي وكانت حركانة وكلامها كتير وشوشت علي
وشميتها!!؟
بس
بعد الحصة إنتهت لاحظت اني مغيوظة منها مشت إشترت لينا حلويات وجات تضحك وتعتذر
وتتظارف بالجد حيرتني!؟ ﻷان م لاقتني شخصية زيها مرحة ومبسوطة ومصدر بهجة للكل،هي
الوحيدة الإستحملتني وم يئست من صدي ليها وكل مره تقرب لي لحدي م بقينا صحبات
وبتسألني عن ناس بيتنا وانا بتحاشي الكلام عن والدي وهي لاحظت للحتة دي!!؟ لحدي م
يوم بإسلوبها الفريد دردقتني بالكلام وانا لاني وحيدة وضايعة إستجبت ليها سريع
وطلعت كل الجواي مره تبكي معاي ومرة تتخلع وم تصدق! المهم لحدي م بقت تجي معاي
البيت واتعرفت ع اهلي وبالاخص ابوي وبتتكلم معاهو بإسلوب مستفز وبتبين ليهو انها
عارفة تصرفاتو معاي...لدرجة انو طلب من امي اقاطع مروة وتاني م تجينا ف البيت!؟ بس
امي عارفة انو دي صحبتي الاولى والوحيدة وكمان طيوبة وبتخش القلب!؟ م لقت سبب مقنع
يخليها تفصلني عنها!! لحدي م بقت توريني اتصرف مع راجل امي كيف ولو إتصرف معاي
بطريقة م حلوة كيف اقدر اصدو بالجد غيرتني وبقيت م بخاف منو وم بقول ليهو ابوي ولا
حتى بتكلم معاهو ومصروفي بشيلو من امي!؟ واموري ماشة تمام ولمن بديت استعيد ثقتي ف
نفسي!؟ بس امي م خلتني وشاكلتني ودا ابوك ولشنو بتعملي معاهو كدا وقصر منك ف شنو!؟
وبريدك اكتر من اخوانك وكلام كتييبر يومي نحنا ف نقاش!! لحدي م طلعت وخليت ليهم
البيت ومشيت لحبوبة!؟ وامي حلفت م تجي ترجعني البيت لاني شردت منهم ومع انو راجلها
قال ليها جيبي رغد بس هي رافضة وخيلاني ادخلو ولم لقوني مصرة ع القعاد خلوني
معاهم!؟ ياخ انا كنت مرتاحة نفسيا وعايشة عيشة يحسدوني عليها وبالرغم من انو اهلي
قطعو عني المصروف بس حبوبة م قصرت وخيلاني برضو!! وقعدتا معاهم لحدي م خلصت اولى
وخشيت تانية واتصالحت مع ناس البيت وبقيت اجيهم اسبوع اسبوعين كدا وبرجع لناس
حبوبة ودا كلو كانت مخططا ليهو مروة وانا بنفذ بس!؟ لحدي م جا امتحان الشهادة
وإنضغطنا شديد عشان نجيب مجموع كويس ونخش طب!؟ بس لﻷسف مروة مجموعها دخلها صيدلة
وانا دخلت طب وم كدا وبس قبل نتيجة الشهادة السودانية م تطلع حبوبة إتوفت!؟ وحياتي
بدت تتلخبط تاني!!؟ وامي ابت تخليني ف البيت الكبير بعد وفاة حبوبة ورجعتا بيتنا
ومروة إنشغلت بالتقديم للجامعة وبقينا م بنتلاقي كتير!؟ وهنا اخواني كبرو شوية
وكلتمهم بقى كتيير وجوطة؛وامي اصلا موظفة ف بنك!؟ وبتمشي تخلي لي البيت مقلوب وانا
الجامعة بعد التسجيل م بتفتح طوالي قعدتا كن شهر ف البيت وكنت بصد راجل امي بكل
الطرق!؟ وم بديهو فرصة يتكلم معاي!؟ طول الوقت مع اخواني ولا مع امي ولو قاعدة
براي ف البيت وهو جا من الشغل بمشي الجيران ومرات بتمشي ف الظلط لحدي م امي
تجي...بس ف يوم كنا ف المطبخ انا وهي وجا خاشي فينا واتغزل ف امي قدامي واتعمد اني
اشوف حركتو السواها ليها امي خجلت وحمرت ليهو وطلعت من المطبخ!! جا قرب ع اضاني
واقالي اسرعي انا جيعان!! قالها بطريقة مقرفة وم بتليق بأبو...شلت نفسي وقلت
كويس...ختيت الاكل وابيت اكل معاهم قلت شبعانة بعد اكلو جاني ف المطبخ شايل موزه
ولا تفاحة م متاكدة بس حاول يأكلني ليها غصب عني!؟ وضربت يدو لمن وقعت منو!؟ وامي
شافتني!؟
--------------------------
#لست_بمجرمة9¥
بقلم:آلاء
آدم ابراهيم¢
امي
قالت رغد!! وجات علي وطشتني كف لمن اضاني صنت!! وتاني عايزه تضربني...بس ابوي!
اقصد راجلها مسك يدها وقال ليها خليها البت ف طور مراهقة والعصبية شيء طبيعي،وكمان
انا الغلطان لاني جبرتها تاكلها من يدي ف انتي م تزعلي!!امي انفعت اكتر دا ابوك ي
حيوانة وينعل ابو تربيتك وكيف تعملي كدا!؟ وابوي لا راجلها يااااخ واقف بيناتنا
عشان م تصلني وتقول ليهو زح منها لازم تتربى!؟ وإنت دلعتها وخربت طبعها الليلة
ضربت يدك بكرة بتضربك!؟ وتفت ف وشيء!؟ وانا خلاص انفعلت وقمت جارية...خشيت غرفتي
وجاتني ربا لقتني ببكي جات حضنتني وبكت معاي!! انا م زعلت من امي ي احمد بس
المضايقني وقاحة راجلها بكون عادي ولا كانو عامل شيء بل مستحيل زول يشك فيهو!؟
وإضافة لذلك بدافع عني!؟ يعني لو كان قلتا لامي راجلك عمل ولا سوا كان قتلتني
وقتلت روحها!؟ ف نفس اليوم داك جاتني ف الغرفة،لقتني راقدة وقالت لي قومي تقوم
قيامتك انا قعدت ف نص السرير وهي قعدت ف سرير ناس وعودة...وقالت لي انتي مشكلتك
شنو مع ابوك!؟ كلنا شايفين ريدتو ليك وم مقصر معاك ف شيء!! الحاجة ولا من سنة ولا
سنتين!؟ وانا ساكتة بس الليلة زودتيها!! انا بقيت ابكي والكلام واقف لي ف حلقي بس
بقول ي ربي تربط ع لساني وم اجرح امي بالكلام...بس هي م سكتت وشغالة لي معقولة
البت الكبيرة العايزنا تسندنا لو مال بينا الزمن تعمل كدا!! ياريتني لو متا قبل م
اشوف العملتيهو ي رغد..قالت لي قومي إعتذري من ابوك ابركي ليهو ف الواطا وبوسي
رجلينو!! يمكن يسامحك؟ انا لو كانت طردتني من البيت ي استاذاحمد حيكون ارحم لي من
طلبها دا! وكانت جادة بس انا قلت ليها لا؟ بقول ثقة وبدون خوف!؟ ف اتصدمت وبتعاين
لي نخلوعة؟! وبتقول رغد! وكأنو شايفاني واحدة تانية ولا انا م بتها المهم صدمتها
فيني...وتاني قامت عايزه تضربني،وانا بقيت امام الامر الواقع؟ لازم احكي! قلت ليها
لو كان ابوي كان اعتذرت ليهو!؟ بعد الكلمة دي امي اتجمدت مكانها وإترتعت لوا
واظنها داخت!! قمت عايزه اثبتها دفرت يدي وجات طالعة من الغرفة بس وقعت ف نص
المسافة،صرخت وجريت عليها وكلهم جو جارين وراجلها رفعها وانا ساعدتو ووديناها
غرفتها؛رشينها بموية وهو شممها ريحة بعد فتحت قالت لينا انا كويسة واطلعو خلوني مع
ابوكم!!
كلنا
مرقنا وقالت لمحمد اخوي اقفل وراك الباب؟ قالو شنو ولا سو شنو نحنا م عرفنا!؟ بس
انا كنت متأكدة انو بسببي...قاعدة ف غرفتي والنوم غلبني والزمن اتأخر تقريبا
ل2صباحا انا م جاني نوم وهم تاني م طلعو...بعداك نمتا وصحيت الصبح لقيت امي قاعدة
برا صبحت عليها ابت ترد...لم رجعت وصليت جاتني وقعدت جمبي ف السرير!!؟ م بعرف
راجلها قال ليها شنو بس متأكدة انو ملا ليها رأسها ضدي،وقالت لي وان كنتي عارفة
انو م ابوك دا م مبرر يخليك م تحترميهو!؟ ولا تقلي ادبك معاهو دا اكتر زول دعمك
وكتر مني..بس م اتضورت انك تكوني قاسية ونكارة جميل للدرجة دي...وانا ساكتة م
اتكلمت!! ومتلهفة اعرف ابوي منو والجأ ليهو عشان ارتاح من راجل امي ومضايقاتو لي!!
وف اثناء م هي بتمدح ف راجلها وف مواقفو الهي شايفاها بطولية انا مليت وقاطعتها
وقلت ليها ابوي منو!؟ ياخ انا حطمتها عديل! وكأنو هي من قبيل بتنفخ ف قربة مقدودة
وكلامها خشى لي بأضاني اليمين وطلع بالشمال...شالت نفس حااار وقالت سبحان الله نفس
الدم القذر والانانية إنتقلو ليك! انا بقيت مخلوعة من كلام امي وراجلها عمل ليها
غسيل مخ!؟ قالت لي انا ارتكبت غلطتين ف حياتي وحندم عليهم طول عمري!؟ الاولى اني
وثقت ف ابوك وخان ثقتي والتانية اني ولدتك إنتي وم ضيعتك زمان!!؟ انا اكتر من
مااني مكسورة امي تمت الباقي بكلامها دا!! وبكت بحرقة اول مرة اشوف امي بتبكي
بالصورة دي كانت متألمة وكأني رجعتها لماضي كانت خايفة تتزكرو!؟ قالت لي اتعرفت ع
ابوك ف الجامعة واتخرجنا وانخطبنا وحددنا العرس وبعترف اني غلطتا معاهو بس خلاني قبل
شهرين من عرسنا اختفى فجأة بدون م اعرف السبب بدون م يودعني حتى!؟ وم خلا لي غير
الدبلة رسلها مع ابوكي التاني دا كان صاحبنا ودفعتنا!؟ انا قبل م تتم لي الحكاية
إتأكدتا انو راجلها هو السبب الخلا ابوي يمشي! المهم قالت ابوي خانها وشرد وسمعهو
بيهو ف امريكا وبعد اقل من شهر اكتشفت انو هي حامل بي!؟ وقررت تنتحر ولا شنو م
عارفة بس صاحبهم الهو زوجها الحالي اتبرع انو يشيل الشيلة ويسترها ع حد قولو!!
نظام انو راجل وشهم!؟ والعرس قام ف وقتو المحدد بس العريس هو الإتغير وبقى فلان
راجلها!! وبعداك سمعو انو ابوي مات هناك وقالت دا حقها وربنا انتقم منو!؟ بالجد
بكيت بحرقة وقلبي اتقطع لاني كنت مؤملة اشوف ابوي الحقيقي واشكي ليهو!! وباقي
الحكاية معروفة راجلها سافر وم جا إلا بعد كم سنة وبقينا عائلة واحدة وم حسسني
بأنو انا م بتو!؟ دا الكانت هي شايفاهو! قالت لي نحنا م كبرناك وعلمناك عشان تقارني
بينك وبين اخوانك ف الشبة ولا تنزلي للمستوى المنحط دا وتسألي عن ابوك!؟انا اتخلعت
وم مهمت هي بتقصد شنو!؟ بس حسيت انو راجلها لم سألتو انا كيف عرفت انو هو م ابوي
بكون قال ألف ليها قصة اني سألتو وقارتن روحي مع اخواني!! وقبل م ادافع عن نفسي
سكتتني وطلعت وقالت لي انا انصدمت فيك ي رغد...مرت الايام ديك بصعوبة وكتت بموت من
نظراتها لي وبموت لم اتزكر ابوي مات وانا شكلو كيف م بعرفو..والايام مشت؛وانا بقيت
م بجي البيت إلا زولة نوم وبطلع من الصباح!؟ بعد اخلص محاضرات ي خشيت المعمل ي
المكتبة عشان م ارجع البيت للمشاكل والنظرة الدونية من امي...وحتى مروة صحبتي عملت
ليها شلة وكليتا بعيدة عن كايتنا وم بنتلاقي كتير بس متواصلين بالتلفون،وعندي
زملاء بس م عندي اصحاب لحدي م اتعرفت شاب دفتي وبقى البوي فريند بتاعي،اسمو خالد
وطول الوقت مع بعض بس م حكيت ليهو عن مأساتي،وكان شكلو بحبني وانا عندي ليهو حاجة
بس م بترتقي لدرجة الحب!؟ وعاملة فيها م منتبها لحدي م يوم مرضتا وغبت تلاتة يوم
عن الجامعة وهو قلق شديد وقرر يزورني بس م عندي صحبات عشان يجي معاهم ولو جا براهو
شينة!؟ عشان كدا ورا صحبتو تجي معاهو بيتنا ع اساس انهم اصحابي وزملائي...وفعلا سجلو
لينا زيارة وامي استقبلتهم كويس وكان قاعد وبيتعابط وحسسني انو تلاتة سنه م شافني!
واتاري راجل امي متابع تصرفات خالد ولحدي م جو طالعين قدمتهم جمب الباب وخالد مسك
يدي قالي إتعافي سريع وراجعي لي!!؟ حمرت ليهو ابتسم وقالي ارجعي للجامعة وطلعو!!
وانا راجعة ع البرندا بتبسم راجل امي مسكني من نفس اليد وقالي بيناتكم ف شنو!؟
نتلت
يدي منو!؟ ابتسم وقالي لي انا بس حرام!؟ امي جات طالعة عاينت لينا طوالي راجلها
غير الموضوع وقالي اعملي حسابك اصدقاء السوء كترو وم عارفة شنو!؟ حمرت ليهة بقعر
عيني ودخلت خليت امي بتحكي معاهو!! الايام مرت سريع ولحدي م بقيت ف السنة الخامسة
الوقعت فيها الجريمة دي بس ف بدايتها وم وريتك ارتبطا ب خالد بس كنا م مناسبين هو
غيور شديد وانا بتحسسس من اقل شيء!؟ ومرات بحس بيهو قاشر بي قدام اصحابو!؟ المهم م
متفقين خالص!؟ وقررت انفصل عنو بس عايزه فرصة مناسبة...قبل الجريمة ب شهر كنت
بستحم وحسيت بأنو ف زول عايز يفتح فيني الباب!!؟ وم عرفتو حرامي ولا راجل امي بس
من هنا بدت الايام الاخيرة ف حياة راجل امي...!؟
نواصل
بعدين..
،،،،،،،،،،،،،،،،،،،،،،،،،،،
#لست_بمجرمة10¥
بقلم:آلاء
آدم ابراهيم¢
احمد
قال لرغد حيرتيني معاك!!؟ ابتسمت وقالت ربنا رايد انو دا كلو يحصل معاي،وغصب عني
لازم اتقبلو!! عاين ليها بطريقة غريبة!!؟ وإبتسم،قال ليها يلا نواصل ياخ الجريمة
اتنفذت كيف!؟ شالت نفسها وقالت ليهو وقفنا وين!! قرب عليها شديد وقال مبتسم لم
كنتي ف الحمام!؟
إتحولت
إبتسامتها لتكشيرة!! ولمن إبتعد عنها شوية لانو افتكر انها تضايقت لانو قرب عليها
شديد...قالت ليهو حاول يفتح فيني الباب ومن شفتو فتح لزيتو بكل قوتي وكوركت!؟ امي
جات جارية وبتقول ف شنو!؟ قال ليها سمعت الحركة جوة وبقول ف منو ماف زول عايز
يرد!؟ فقلت بكون حرامي وبعد دفرت الباب سمعت كواريك رغودة!؟ انا بقيت بتبسم لم
اشوف اسلوبو ف الكذب!! امي قالت ليهو هي م قتيتة ومشت خلتني ولا حتى قالت لي
الحاصل عليك شنو!؟ وهو تبعها!! بعداك م قدرت استحم وطلعت سريع قلتا يمكن يختلق قصة
جديدة؟ لم دخلت الغرفة لقيت اخواتي نايمات وقفت قدام المرايا ولمن لقيت اضني فيهم
صابون من شدة الإستعجال!! بقيت اجفف ف شعري وإتمسحتا ومستكينة واتاري البيتسمى
ابوي كان بعاين لي!! وانا م جايبة خبر،وربنا عايز يفضحو امي شافتو واقف وبعاين
لي!؟ وبرضو ف الاول م ختت فيها حاجة بس قالت ليهو عبدو!! جا ناطي، وانا زاتي
اتخلعت وسترت نفسي...قالت ليهو خير ف شنو!؟ قال ليها شفت اللمبة لسسسه مولعة وقلت
بكون نسوها واطفيها ليهم ولم جيت شفتا بتي بتتمسح وقلت يستحسن م اخش فيها عشان
تتحسس مني! وإنتي جيتي داخلة!؟ احمد ضحك وقال لرغد راجل امك دا محتال!! رغد شالت
نفس سخنن احمد قال ليها اسف اسف واصلي!؟ قالت امي رجعت غرفتهم وكان كلامو مقنع
شديد بس ف حاجة ف قلب امي م اطمئنت ولا غريزه الامومة إتحركت!؟ انا طفيت اللمبة
وقبل م هو يمش ورزعت الباب ف وشو!! بعد كم يوم جيت من الجامعة متنشنة وكنت منفصلة
عن خالد وم عندي اصحاب غيرو والامتحانات قربت...كنت متوترة شديد والله فبقيت يومي
كلو قراية وكل م يجو مارين بغرفتي يلقوني قاعدة ف كرسيني ودفاتري قدامي ف
طاولتي...ومرات بنوم عادي للصباح ف محلي...يوم وانا بقرا ونعستا فجأة ونمتا قبلي م
عارفة نمتا قدر شنو بس بقيت احس بيدين بتعمل لي مساج ف رقبتي!! فتحت مخلوعة ولقيتو
دا راجل امي! بإبتسامة كدا قالي م تنومي هنا تاني حتأذي رقبتك!! وبتظارف بتو وعد
قالت ليهو بابا ولشنو انا م بتعمل لي مساج ولا إنت بتريد رغد اكتر مننا!؟ ضحك
وإتلفت علي وقال ليها بريدها اكتر من امك زاتها!؟ وامي بالصدفة سمعتو!! قالت ليهو
كتر خيرك!!! وختت لينا العصير وطلعت زعلانة...خلتو منطط عيونو وطلع وراها...وانا
بقول يارب تصرفو عني ويارب تكشفو قدام امي!! وسبحان الله علاقتهم اتوترت م بعرف
بسببي ولا بسبب خلاف بيناتهم!؟ بس بقو كلو شوية صوتهم طالع...انا زعلت وقلت ليهم
إذا كل شوية شكلة حسوق اخواني وحنمشي بيت حبوبة ربنا يرحمها!! بعداك بحاولو م
يتناقشو قدامنا!! لم نكون قاعدين ناكل راجلها بقول لي عملتي الاكل إنتي مشش!؟ لو
عايز ينادي واحدة من بناتو التانيات بقول ي رغد!؟ م بعرفو قاصد يغيظ امي ولا ربنا
عايز يفضحو!؟ امي بقت تسألني عن راجلها قال ليك شنو قبيل واليلة اتكلم معاك ولو جا
ع غرفتنا بتتبعو!؟ انا عاملة فيها رايحة لانو لو قلتا ليها راجلك بسوي ف
شنو...بطلعني كذابة ولا كارهاهو لانو م ابوي!! فعايزاها تعرف براها انا صبرت كل
حياتي ع مأسيهو وم شكيت لزول ولا ف زول عارف غير مروة؛عشان كدا سكت،لحدي م امتحنت
والجريمة حصلت بعد الإمتحانات بيوم!؟ يوم احر امتحان امي قالت لي امشي ناس خيلانك
اللهو بيت حبوبة اغير جو بعد الإمتحانات!؟ وانا الفكرة عجبتني وقلت ليها م بقدر
امش من الجامعة طوالي لازم اجي البيت واشيل لي ملابس!! لو لاحظت ي احمد اول كانت
بتقول لي إستأذني من ابوك اول بس اسسه عايزه تخارجني من البيت!؟ احمد قال ليها
واصلي انا متشوق اشوف ابوك!؟ اسف اقصد راجل امك اقتل كيف والسبب شنو!؟ رغد شالت
نفسها وقالت ليهو حاضر...يلا بعد امتحنت رجعت البيت وبديت الملم ف حاجاتي عشان
امش!؟ وهو جا من الشغل وشافني بلم ف حاجاتي وبدخل ف شنطة صغيرة كدا!! إتسند ع
الباب وقال لي ع وين!؟ لمن نطيت عاينت ليهو وم رديت..رجعت واصلت شغلي...خشى الغرفة
انا اتلفت عليهو وماسكة فرشة الشعر ف يدي!؟ ضحك وقالي شاردة ولا شنو!؟ قلت ماشة
ناس حبوبة! قالي ماشة ليها ف القبر!! صريت حواجبيني ضحك وقالي بهزر معاك رغودتي
ماف ليك مشي مشتاقين ليك ياخ بقينا ف البيت م بنشوفك بسبب الإمتحانات...وجا علي!؟
تلبت بسرير ربا وقلت ليهو م تقرب علي!؟ قالي مالك بتتصرفي معاي كدا انا ابوك ي
بت!؟
بكيت
وقلت ليهو اياك تزكر الكلمة دي ف خشمك!؟ اطلع لو سمحت! وقالي ابييييت!! م كان ناوي
يقرب علي بس بوتر فيني وعايزني اخاف!! وامي حبيبة قلبي جات داخلة البيت!! شايفاهو
بيضحك وانا ببكي، ورجلينها م شالوها وقالت ف شنو!؟
م
عرف يرد وكل كضباتو دلاك من الخلعة راحو!! انا جريت ع امي وحضنتها وزدت ف البكاء!!
وهو طلع خلانا واقفين امي قالت لي مالك!! قلتا ليها مضايقة شدييييد...والليلة لاول
مره م قالت لي ابوكي مالو معاك وقالت لي عبدو داير منك شنو!؟ شلت نفسي بصعوبة وقلت
ليها كلامو بضايقني شديد ي امي!! لم قالت لي عمل شنو!! م رديت قلت بعدا خلاص انكشف
خليها تعرف الحقيقة براها بس عمري م اتصورت انو معرفة الحقيقة حتولد إرتكاب
جريمة!؟مشت خلتني وجمب الباب قالت لي الوقت إتاخر بعدا ارح معاي المطبخ وباكر من
الصباح امشي لخيلانك!؟
بس
م كنت متخيلة انو اليوم التاني ح اخش السجن!!؟
------------------------------
#لست_بمجرمة11¥
بقلم:آلاء
آدم ابراهيم¢
احمد
قال ليها رغد الساعة تلاتة مساء!؟ الزمن سرقنا شديييد وانا متلهف للحصل بعداك وف
نفس الوقت تعبتك معاي من الصباح قاعدة ف محل واحد بدون حركة وبدون
اكل!؟قاطعتو مبتسمة ولا يهمك عادي الزمن معاك بيجري سريع!؟ عاين ليها بتعجب وصر
حواجبينو وابتسم قال ليها معاي!! نططت عيونها وقالت ليهو لا لا م معاك اقصد يعني
الكلام ف قضيتي!! وبقتت تتأتي!؟ ابتسم وشال نفس حااار وقال ليها نمشي نصلى وناكل
ونجي نواصل الليلة كان ابيت معاك هنا م بخليك إلا اعرف الجريمة الإرتكبها منو
ولشنو!؟
قالت
تمام،فتح الباب ولاقى الضابط برا كان خاشي ع مكتبو!! وقال لاحمد بدهشة كدا انت لسه
قاعد ي استاذ احمد!! إبتسم وقال ليهو اليوم موضوعنا جرا وم حسينا بالزمن ولسسه م
خلصنا نص ساعة كدا ونواصل!! الضابط ابتسم وقال ليهو بتتكلمو عن شنو بالضبط!؟ م صرح
بالكلام بس احمد فهم الضابط قاصد شنو!! صر حواجبو وقال ليهو خليك ف شغلك احسن وانا
عارف بسوي ف شنو!؟ وبحذرك إنك تدخل ناني!؟ الضابط سكت،وم بقدر يكتر الكلام مع احمد
لانو مستشار بوزارة العدل ومحامي مكلف من النيابة العامة م بقدر يقول ليهو ولا
كلمة إلا ف حدود مسئوليتو!! المهم احمد طلع ع المصلي والضابط دخل مكتبو!؟ بعد
قرابة الربع ساعة رجع ع المكتب لقى رغد ف محلها قال ليها م طلعتي!؟ ابتسمت وعاينت
للضابط!! منعها تطلع،احمد شال نفسو وقال ليها حابة تطلعي قربت تقول اي!! بس احمد
بيمش وم قاعد معاها ف السجن!؟ فهزت راسها بمعنى لا!! بس احمد نبيه عرف انها هارشة
من الضابط فقال ليهو لو سمحت جهز لينا اي حاجة خفيفة كدا نفطر بيها ع لحمة بطنا من
الصباح!؟ الضابط قرب يطلع طبنجتو ويفضيها ف احمد...قام بغضب كدا لمن طقش دفاتر كدا
ف الطاولة وطلع من المكتب! خلا رغد بتتبسم!؟ احمد قاليها حابة تطلعي ع الحمام ولا
كدا!؟ هزت راسها وقالت يسلمو بس الله يستر م يسمم لينا الاكل!!؟ فضحكو والضابط جا
خاشي فيهم هي سكتت،شال طاقيتو واوراق كدا من المكتب وقال دوامو خلص ماشي!! احمد
قال ليهو والاكل!! الضابط قال ليهو كلم المشرفة!! وطلع،رغد إتكيفت شديد ولمن شمت
الهواء واحمد قال ليها قومي نشطي رجولك واخدي راحتك!؟ قبل م تقوم الحارس دقة الباب
وجا خاشي جاب ليهم اكل وطلع...رغد قامت وعاينت بالشباك ولكن رجوها رجفو بسبب طولة
القعدة!؟ احمد قال ليها تعالي انا جيعان..وم تنسي حنواصل قصتنا!!؟ جات قعدت ولا
إنتظرها وكان بياكل وبتكلم معاها وبقول ليها ملاحظاتو عن الحاجات الحصلت معاها ولو
هو كان معاها ولا ف مكانتها كان حيسوي شنو!؟ وهي منسجمة معاهو وبتعاين ليهو وبدون
م تحس تلقى روحها إبتسمت؛وم قدرت تاكل م معروف توتر ولا شيتآ تاني!؟ وهو ضرب ضرب
صاح وكان كانو طالب مراهق ولا طالب جامعي ف لمة بوش!؟ واخد راحتو ع الاخر ونسى
المحاماة!! بعداك نادي الحارس يشيل الصينية وطلب منو كبايتين شاي!؟ وقال لرغد يلا
رغودة واصلي!! عاينت ليهو مسافة وابتسمت!؟ إرتبك وبدا يغطي ع كلامو وقال ليها اسف
جات عفوآ...قالت ليهو ولا يهمك عادي...قال ليها يلا نواصل قالت تمام...يلا ي استاذ
قاطعها وقال ليها بدون كلف قولي احمد عادي!! رغد إبتسمت وقالت حاضر ي احمد...يلا
مشيت مع امي المطبخ وبجهز معاها ف الغدا وهي سرحانة لو سألتها من شيء إلا اكرر
ليها كلامي وبرضو احس بيها م مركزه معاي!؟ المهم جهزنا الاكل وختيتو بس هي ابت
تاكل معانا وقالت مصدعة ومشت غرفتها!!؟ وحتى راجلها كان متغير وكلامو معانا كان
محدود...اليوم التاني من الصباح اللهو يوم الجريمة اخواني مشو المدارس وامي طلعت ع
الشغل وحتى راجلها مشى انا قعدت نصفت البيت وقلت حفطر وامشي لناس خالي،مشغلة
تلفوني وبسمع ف اغاني وبمسح امي اتصلت وعايزه تشوفني لو طلعتا قلت ليها لسه بنضف
وبعد افطر بطلع حتى وصتني ف حاجات اشيلهم معاي لناس خالي!؟ وقفلت منها...عشرة
دقائق م تميتهم احس بضل وراي وانا باركة تحت السرير ورابطة جلبابي ف نصي ولدرجة
انو افخاذي برا!! بس براي م معاي زول عشان كدا واخدة راحتى..لم شفت الضل
جسمي مات وم قدرت اتلفت افتكرتو حرامي!؟ بس لم قال ماشاءالله!! عرفت الصوت
المستحيل يخفى علي وبدل م اطلع لبدتة تحت السرير وهو بقي يضحك قالي استهدي بالله ي
بت!؟ ختا شنطتو وطلع خلاني ف محلي بعد إتأكدتا انو مشي ع الحمام حتى طلعت ومشيت
غرفتي ونسيت تلفوني ف البرندا، لم شفتو طلع من الحمام شلت غياري وجريت جري الحمام
اتشطفت بس قلت م عندي زمن استحم،وطلعت قالي ختي لي فطور بعداك امشي قلت ليهو
ميتعجلة م بقدر!؟ حمر لي ومشي براهو ع المطبخ..لم جيت اشيل تلفوني شفت امي متصلة
عليهو م عارفة الخلاني ارد شنو بس قلتا بتكون اتصلت علي وانا بعيدة ومن قلت الوو!!
قالت لي رغد!؟ هو يعني عبدالرحمن ف البيت!؟ اتاريهو كان بيتكلم معاها قبل م يخش
البيت وقال ليها الليلة تعبان شوية وح اطلع بدري من الشغل!؟ بس م وراها انو جمب
البيت...وقفلت الخط!!
انا
استغربت ختيت التلفون ف محلو وشلت حقي ومشيت غرفتي! سلت شنطتي وقبل م اطلع لقيتو
قافل لي الطريق!؟ وبفول لي ماشة وين ي حلوة!! انا خلاص رجولي بردو بس إتمالكت نفسي
وقلت م بيعمل لي شيء واصلا انا متعودة ع كلامو البقولو لي وبحاول اشجع ف نفسي وم
تخافي ي رغد وبس كل م يقرب انا جسمي بكش وقلبي بيضرب..قلت ليهو عايز مني شنو
إنت...ابتسم وقالي ولا شي بس عايز المس جسمك الحريري دا م اكتر!؟ انا خلاص رجولي
رجفو بالجد واول مره اخاف منو قدر دا وقلت بكون شارب حاجة ولا عايز ينتقم مني ولا
من امي!؟ وبديت افكر اتخارج كيف وياربي فتحة الشباك دي بتمرقني ولا ادفرو
واقوم جارية!؟ لم قرب شوية شترتو بشنطتي الشايلاها وإستلمها ف يدو مباشرتا!! ضحك
وختاها ف السرير وقال لي لمتين حتهربي مني!! انا كبرتك ع يدي ي حلوة ومنتظر اللحظة
من سنين!؟ قلت ليهو ياتو لحظة وانا دموعي عشرة عشرة كالعادة ضحك ضحكتو البايخة ديك
وعرفت انو ناوي لي ع نية بطالة وبقيت احنس فيهو إنت زي ابوي انت ربيتني انا بقول
ليك بابا!! عايز مني شنو!؟ والشيطان م يغشك!! قالي م بأذيك انا مستحيل ااذئ رغودتى
بس إنتي م تعانديني وم بيحصل ليك شي!؟ وم تخافي نحنا برانا وماف زول شايف حاجة!؟
بكيت وقلت ليهو الله شايفك!؟ الله حيسخطك!؟ تاني ضحك وقالى الظاهر حتعبيني ونعديها
كلام ومواعظ!! وجا علي وانا تلبت من سرير ربا لسريري وقبل م احصل باب الغرفة مسكني
بقيت اكورك واجابد فيهو!! وبقول لي م تخافي مني وكلام كدا من شدة الخوفة وبشاعة
المنظر نسيتو!؟ وكان بحاول يقفل خشمي وانا عضيتو لمن لبعني ف ضهري حتى فكيتو وقعت
منتهية قربت اغمر!! والغريبة كان خايف علي رغودة ورغودة قومي وحاول يرفعني
السرير!! اتملصت منو وحبيت ع الباب وجبدني من رجلي وبدا يقلع ف عبايتي وبقول لي م
بأذيك بس بتفرجك خليني املا عيوني!؟ وامي جات داخلة!؟
نواصل
بعدين
،،،،،،،،،،،،،،،،،،،،،،،،،،،،،،،،،،،،،
#لست_بمجرمة12¥
بقلم:آلاء آدم ابراهيم¢
لو جمعنا كل المواقف العصيبة المرت ف
حياتكم م حتساوي بشاعة المنظر الشافتو ام رغد!؟ من شدة الصدمة فقدت المنطق!؟ وم
قادرة تستوعب الحصل واطراف جسمها بقت ترتعش!! رغد شافتها وم قالت الحقيني ي امي
بقت تقول الحقني ي ابوي!!؟ وراجل امها كان منفعل وف هياج غير طبيعي ورفع رأسو شاف
مرتو متجمدة جمب الباب!؟ قدر م حاولت تتحرك م قدرت جسمها إشلا...م كانت متوقعة انو
الامور تصل للحددا!؟ ولو قال ليها اي زول برضو م كانت حتصدق!!؟ ياخ حتى عيونها ف
الاول م قدرت صدق الشايفاهو قدامها...لم شافها إتخلع خلعة العدو!! وتلب م رغد وكان
فسو خامي وقام ع مرتو...وم عارف يقول ليها شنو!؟ ومسكها من اكتافها بقول ليها حنان
انا انا م عارف..ياداب الام جمعت ياداب صوتها طلع ياداب البركان الجواها ثار!؟
صرخت بأعلا صوتها ودفرتو منها!؟ وم قالت ولا كلمة وإكتفت بالتفاف عليهو!؟ رغد
إنفعلت شديد وبقت ترجف!؟ احمد نزل ليها قدام رجولها وبهدى فيها وبيضغط ع يدها
شديييد وبقول ليها م تخافي انا معاك!؟ روقي...شوية كدا حتى اتمالكت نفسها واداها
شربت موية وقال ليها اها واصلي!؟
دموعها كابين عشرة عشرة وقالت ليهو
انا قمت وجريت ع امي حضنتها وبكينا نوحنا سوا وبقول لي سامحيني!؟ ومسكتني من يدي
وجينا طالعين..وكانت بقول ليهو حدي معاك المحكمة ي كلب!؟ والله افضحك واسوي
ليك...ونحنا مسرعين كدا اشوفو مسك امي من يدها وبجابد فيها وبيعتذر وبقول ليها م
كنت ف وعي وم عارف عملت كدا كيف وانا استاهل الموت وانا شنو م عارف وامي قرفانة
حتى تسمع صوتو وبقول ليهو فكني احسن ليك وانا بصرخ واصواتنا عالية شديد!؟ وشفت زول
من الجيران مادي راسو بس مع الخوفة والجوطة م ركزت كويس وكنت بحاول افك امي منو!؟
بالجد خفتا عليها لانو مجرم ممكن يأذيها عادي...لم امي كانت بتجابد فيهو عشان
يفكها وهو بقول ليها انا عبدو وانا زفت وانا الوقفت معاك ف محنتك زمان!؟ وامي
انفعلت اكتر ودفرتو بكل قوتها لمن وقعو الإتنين...وحبت خطوتين كدا وجات قايمة وانا
سبقتها ع باب الشارع وقبل م اطلع اشوفو قابض امي من ورا وبدل م كان بيترجي فيها
ظهر بوشو الحقيقي!؟ وبقى ينبز فيها وبقول كلام لساني بعف عن ذكرو وامي بتكورك انا
جيت جارية وشبيت فيهو من ورا وبتزكر عضيتو بس النافع الله وامي بتنبز وبترفس فيهو
وهو مكنكش فيها...وقال انا لو م غبي اعرسك إنتي ي م بتشبهي النسوان وي شنو م
عارفة!؟ بس الكلمة الوجعتي قال ليها ي عاهرة انا قلعتك من عشيقك بس ندمت!؟ وم
صبرني عليك إلا شوفة بتك هي البتريحني!؟ وكلام م تتصورو ي احمد بالجد قال كلام
اكعب مما تتصور!؟ انا هنا فقدت اعصابي وخليتو بيضارب مع امي ولا خانقها ولا شنو م
عارفة كنت خايفة شديد وم بفكر ف شيء غير اني اخلص امي منو!؟
إتلفت يمين شمال م لقيت شيء!! الحمام
قريب مني خشيت ومن طرف الباب شفت الطوبة حقت الرجلين ونشتو ف راسو ولا اثرت فيهو
بس إتلفت عاين لي وعيونو حمر ونفسو خامي!؟ انا قربت اقوم جارية بس تاني شلت البمبر
حق الحمام وجيت جارية عليهو وختيتو ف ضهرو لمن هبك ف امي!؟ ودفرتو منها وعضتو
ورفستو تحت الحزام وقامت دايخة ونفسها خامي ورفعت البنمر تاني وانا بقول ليها لا
كفاية ارح ي امي ونزلتو ليهو ف راسو!؟ لمن دمو كبا ووقع ع الارض والدم طالع من
خريهو!؟ انا صرخت وجيت جارية عليهو وتاني كانت عايزه تديهو واحد بس مسكتها!؟ وكانت
هايجة وف دنيا تانية وبعد تعب حتى شلتو منها وخليتها بتشلت فيهو وبتجوط...انا جريت
اشوف زول يسعفو عندو عربية بس عطلانة وغير كدا لا انا ولا امي م بنعرف نسوق!؟
بيتنا ناصية والشارع فاضي وم شايفة
لي عربية بس ف ركشة واقفة قريب لبيت جيرانا وتقريبا بصلو فيها بس لاني خايفة دقيت
الباب ويديني ملطخات بدم راجل امي وبقول ليهم سيد الركشة وين!؟ م ردو علي ولدرجة
انو المره جرت بناتها الصغار وقفلت عليهم ف غرفة...بيني وبين نفسي قلت وانا ناقصة
عواليق!؟ جريت وطلعت من بيتهم وطلعت برا وبنادي وف كم زول ف الشارع شافني بس م
إشتغلو بي كتير!؟ وبقول ليهم عايزه عربية شوفو لي عربية..واتزكرت انا ليه م اتصل ع
اسعاف!!؟ وانا راجعة بناهج ورجولو بيتلخبطو شايفة دخان طالع من بيتنا وامي بتصرخ!؟
خلاص بطني وجعتني وقلت إنتقم من امي!؟ وم بعرف كان حبيت ولا جريت بس دفرت باب وع
دخلتي شفت منظر م بتوصف!؟ امي بتكورك وراجلها بيدردق ف الارض محروق !! انا
حسيت بصاقعة نزلت ع راسي وبقيت اكورك وبقول ليه ي امي لشنو ي امي!؟ م بيستاهل
الكلب نضيع روحنا عشانو!؟ وفجأة جات واقعة صادمة...انا سبب البلاوي دي كلها انا
البسببي امي قتلت راجلها،وم عرفت اتصرف شفت حاجة كدا زي إسطوانة الغاز بس عندها
خرطوم صغير!؟ تقريبا دي الكانت برا جمب الركشة البصلحو فيها وشكلو كدا كان بنزين!؟
لانو ريحتو قوية سيد الركشة والناس الكانو ف الشارع وجوطة وكواريك ونسوان جو من
وين الله اعلم والشرطة جات وانا بدون م افكر حتى ف العواقب قلتا انا قتلتو!؟
فودوني ع السجن وامي ع المستشفى وراجلها من المشرحة للمقبرة...امي كانت ف حاله
صدمة والجريمة بعد إرتكبتها م اتحملت المنظر وكأنها فوتت ي صرخت ي اتشنجت ي رجعت
صدمت تاني!! وانا شلت الحكاية براي لاني فعلا ضربتو!؟ وكنت مستعدة للاعدام بدل م
اشوة سمعة امي..وبفضل يعدموني كاني قاتلة لابوي ولا يحاكمو امي ع مقتل راجلها لانو
اتحرش ببتها غير الشرعية والكلام الصعب إنك تتقبلو داك!؟ف اتحكمت اعدام وبدون م
اوكل محامي حتى!؟ وتنفيذ الحكم بعد اقل من شهرين من الان!؟ ودي كل قصتي ي استاذ
احمد،،كان مصدوم وبعاين ليها وم عارف يقول شنو!؟ وشال نفسو بصعوبة وقال ليها ي
غبية حتطلعي منها إنتي وامك بس حنثبت بعض النقاط ف المحكمة ومن ضمنهم الجار الكان
بتاوق بالحيطة وقت الشكلة وحتى مروة صاحبة رغد...واحمد قام ع حيلو وقال ليها حلي
الباقي علي وبإذن الله اطلعك منها...قالت ليهو وامي اهم مني ولو بمسها شيء انا
حنكر كل الحصل بيناتنا دا وح اصر ع اقوالي الاولى!؟ ضحك وقال ليها لا ي السمحة
راجل امك يستاهل الموت بس برضو ف الاخر قو قتل عمد بغض النظر عن الاسباب والقانون
حياخد مجراهو!؟ واوعدك ابذل كل طاقتي عشان اساعدك...رغد إبتسمت وقال ليها المغرب
اذن ي السمحة!؟ صرت حواجبينها وإستغربت لانو كرر الكلمة بس برضو م علقت!؟ واخدت
تنهيدة طويلة وعاينت ليهو بإبتسامة!؟ وقال ليها يلا مع السلامة وم حجيك ف اليومين
دي لاني ح ابدا الشغل الحقيقي ع القضية!؟ عشان نطلع من هنا!! وصلح جكت بدلتو وطلع
ونظراتها لاحقاهو!؟
----------------
#لست_بمجرمة13¥
بقلم:آلاء آدم ابراهيم¢
وتاني رغد رجعت السجن وسط نفس الناس!؟
بس الشي الوحيد الإتغيىر إنها بدت تفكر ف الحرية!؟ ف انها خلاص ح تطلع!! بس قلبها
وجعها وقالت لو طلعت اقبل وين!؟وانا ف نظر الناس مجرمة!حكون منبوذة...وح اتمنى
الموت؟ ودمعتها جات نازلة!؟ امل خلعتها وجات ناطة فيها خلتها بتتضحك!؟ وقالت ليها
اي خليك كدا ياخ!؟ وكفاك حزن!! لانو عيونك م لائق فيهم غير الفرح...رغد ابتسمت
شديييد،وقالت لامل زكرتيني صحبتي اسمها مروة دائما بتحاول تتطلعني من الكآبة الانا
فيها!؟
امل كشرت وشها وقالت ليها كآبة شنو
كمان!؟ رغد ضحكت وقالت ليها م تشغلي بالك،امل ابتسمت وم آلحت ع رغد عشان تعرف!؟ وقبل
م تجي قايمة من السرير رغد قالت ليها إستنى!؟ لم امل إتلفتت عايها رغد ابتسمت
وقالت ليها يمكن صحبتك تطلع من هنا قريب!؟ وغمزت ليها عينها!! امل فتحت خشمها من
شدة الدهشة وحضنت رغد وقالت ليها تستاهلي الافضل والله والله لا جابك هنا
تاني...ولم جات راجعة ع سريرها وتقريبا قعدت فيهو عديييل شاغلت رغد وقالت ليها
استاذ احمد عامل شغل!!؟ رغد فقعت الضحكة وإتلفتت ع الحيطة وربعت يديها ف نصها!؟
وكانها عايزه ليها زول! ابتسمت وغمضت عيونها،وفعلا من اليوم داك تاني احمد م جا!!
وهي متنشنة ويومها ناقص!! لسببين الاول انها كانت كتومة وفجأة لقت زول يسمعها
ويخفف عنها وبتحكي ليهو بدون خجل او خوف!؟ والسبب التاني والاهم إنها فقدت احمد
وإشتاقت لصوت ضحكاتو وحركات عيونو لم تكون بتحكي ليهو!!؟ وكل التفاصيل الصغيييرة
الم كانت منتبهة ليها وهي معاهو؟ جاتها كلها ف لحظة واحدة..ومشت ابعد من كدا بكتييير!؟
لدرجة انها بقت تكرة تسمع اصوات السجينات وعايزه تكون براها وتنفرد بمخيلتها!!
وحاولت كذا مره تختلق ليها شكلة مع واحدة عشان يودوها سجن إنفرادي بس غير انها
بتتعاقب م بسحصل شيء!! اما استاذ احمد م قصر معاها رفع ملخص الوقائع الحصلت للمدعي
العام،وهو بدورو م حيقدر يصدر عفو ولا يلغى التنفيذ لانو بقى حق خاص ولا يجوز
العفو عن جرائم الحق الخاص إلا بعد اخذ الاذن من اولياء المجني علية...فرفع
المزكرة للنائب العام وهو بدورو خاطب المحكمة وم طلب منها تلغى الحكم بس طلب إعادة
فتح القضية!؟ وامر استاذ احمد يقدم إثباتات تدعم اقول رغد وإلا حتكون مجرد قصة لو
م اتعضتت بدليل!؟
فعلا احمد وقف كل قضاياهو التانية
وبس بقى طالع ونازل ف قضية رغد ومشى زار اخوانها ف البيت بس لقى البيت مقفل وانهم
ف بيت حبوبتهم!؟ ومشى للجيران المباشرين لناس رغد والمرة كانت متحفظة شديد وقالت م
عارفة حاجة ولا سمعت حاجة!؟ بس إستخدم معاها الحيلة وقال انو جا بصفتو محامي وعايز
شهادتهم م اكتر..وإلا المره الجاية حيجي بخطاب تكليف بالحضور من المحكمة وبدل م
ياخدو شهادتهم بس قد يحاسبو ع كتمانهم لقائع جوهرية ف القضية وقد تفضي لقتل شخص
برئ!! المهم مع كم جملة قانونية ونصين قرأنيات قدر يأثر ف المره!! وقالت انها م
شافت شيء بس رغد جات جارية بتسأل عن راجلي وكان يدينها ملخبطات بالدم وبتقول عايزه
الركشة ووين بتاع الركشة وكانت خايفة شديد!! لكن راجلي لم سمع الجوطة والكواريك
طلع إتاوق وشافهم بيضاربو وقال ف بت لمحتو فطوالي نزل راسو ومشي الحمام!!؟ المحامي
ابتسم وقال ليها بس الكلام القلتيهو دا عايزك تقوليهو ف المحكمة كشاهدة!؟ وراجلك
كمان يحكي بس الشافو وم عايزين اكتر من كدا!؟ اول رفضت وقالت م حصل دخلت محكمة
وبقت ترجف؟؟ قال ليها انا ف اليوم بخش المحاكم اكتر من خمس مرات وم شرط تكوني مجرمة
ولا متهمة حتى تخشي بس قوي قلبك وكلو م بياخد اكتر من نص ساعة...وقال ليها بسوقكم
انا بعربيتي ورجعكم لحدي بيتكم دا وعد مني!!؟ جاي وجاي قدر يقنعها بس فضل الراجل!؟
وقال لو رفض حيضطر يجيب ليهو تكليف بالحضور!؟ وفعلا الراجل بعد جا نادي مرتو
وشاكلها كويس ع كلامها القالتو،وقربتت تتطلق المسكينة بس ختتو امام الامر الواقع
ولو رفض يمشي يعتبر تستر وحيبقى بدل شاهد متهم بجريمة قائمة بزاتها!!
وف الاخر وافقو يشهدو بس بالشافوه
يعني م ماشين عشان يشهدو لرغد!؟ واحمد مع متاقشتهم امام المحكمة حيقدر يثبت برائة
رغد،وم اكتفي بكدا وبس مشى لبيت ناس مروة صاحبة رغد وبقت تبكي وتقول ليهو رغد
مستحيل ترتكب جريمة زي دي!؟ وانها مشت تزورها ف السجن بس رفضو يخلوها
تقابلها..وتاني اهلها ابو يخلوها تمشي!؟ ومن قال ليها عايزك تشهدي بالتصرفات الغير
اخلاقية البيعملها عبدو لرغد!؟ بكت بحرقة وقالت ليهو م عندها مشكلة حتحكي كل
الحصل!؟ وطلع من عندهم مبسوط وبفكر ف ملامح رغد لم تعرف بالتقدم الحصل ف القضية!؟
بس إتذكر اهم حاجة إفادة الام نفسها لانو كدا الجريمة حتواجه بيها هي فلازم يتكلم
معاها!!؟ وشاف ساعتو لقى الزمن إتاخر فقال حيزورها بكرة ف المستشفى ويشوفها لو اتحسنت!؟
رجع بيتو وطول الطريق بفكر ف رغد!؟ وقال لازم بكرة يزورها عشان يطلعها ع اخر
المستجدات وعشان يشوفها لانو إشتاق ليها!؟
-----------------------
#لست_بمجرمة14¥
بقلم:آلاء آدم ابراهيم¢
احمد كان راقد ف بيتهم ومنتظر بكرة
بفارق الصبر!؟وكل م ياخد ليهو غمضة بفتح وبشوف الزمن كم!؟ اخوهو راقد معاهو ف غرفة
واحدة بس ماسك تلفونو طبيعي وكأنو م بينوم!؟ عاين لاحمد وقال ليهو اول مرة اشوفك
خايف من قضية!؟ ولمن النوم يغلبك كمان!؟ احمد إبتسم وقال ليهو الموضوع بقى اكبر من
كونو قضية وبس!؟ اخوهو جدع التلفون من يدو وجاهو ملهوف وبتبسم وبقول ليهو اوع يكون
الفي بالي صاح!؟ احمد ضحك وقال ليهو انا مالي ومال الفى راسك يلا زح مني عايز انوم
وإتجه ع الحيطة!؟ اخوهو بقى يضحك وقال ليهو من بنات حواء الكتار ديل م لقيت إلا
المجرمة!؟ احمد إتلفت عليهو بغضب بس داك ضحك وجرا ع سريرو وخلا احمد بفكر!؟ اليوم
التاني من الصباح ناس رغد طلعوهم،وعملو ليهم التفتيش الدوري والمتابعة وخلوهم ف
حوش السجن!؟ جات عليها امل وقالت ليها اعملي حسابك البنات ديل ناوين ليك ع نية
بطابلة!! وسمعو بأنك قد م يعدموك فحابين يزكروك السجن يوميا!؟ رغد خافت وقالت ليها
بصوت بيرجف كيف يعني!؟ امل قالت ليها حيخلو علامة ف جسمك وكل م تشوفيها تتزكري
ماضيك!؟ رغد ختت يديها الإتنين ع وشها وكانت مخلوعة!؟ امل ضحكت وقالت ليها روقي
انا بحاول احميك...واكيد حيحاولو يفصلونا عن بعض عشان ينفذو خطتهم ف إنتي خليك
قريبة مني!؟ رغد مسكتها من يدها وقالت ليها ارح الحجل بالرجل!؟ امل ضحكت وشبكت
يدها ف يد رغد وبقو يتمشو!؟
شوية كدا ورجعوهم الزنزانة وهي قاعدة
ف سريرها بتسأل نفسها لشنو احمد طول مني كدا!؟ وإن شاءالله يكون قدر يتحصل ع
شيء!!؟وف نغس اللحظة جات المشرفة وقالت النزيلة 445!؟ رغد قامت متلبة وقالت نعم!
المشرفة لاحظت الحماس ف عيون رغد وكأنها مطلعنها من السجن كلو م من الزنزانة بس!؟
رعد سألتها وقالت العايزني منو!؟ المشرفة سلمتها للحارس ولا كلمة م ردتها ليها!؟لم
قربو ع مكتب الضابط رغد م كانت عارفة المنظرها شنو!؟ بس مسحت ع حواجبينها ورجعت
الطرحة لورا شوية!! تاني ضحكت وغطت راسها كويس ومشيت ع المكتب وخلت الحارس محتار ف
امر السجينة البتضحك براها بس برضو م سألها ودخلها ع المكتب...من شافت احمد إتربكت
وكأنها اول مره تشوفو ولدرجة انها م ردت السلام كويس..هو م سلم عليها ف يدها بس
نظراتو م قدر يشيلها منها!! الضابط قال ليهو اخد راحتك وإن شاءالله جلساتكم
المغلقة دي تجيب نتيجة وم يكون ضياع زمن ساي!؟ احمد ك ردا عليهو ف الضابط
طلع...احمد قال ليها اخبارك شنو وكيف اليومين الفاتو ديل معاك!؟ قالت ليهو بخييير
ومرو عادي زي كل الايام؟ عاين ليها متعجب وقال ليها بإسلوب إستنكاري كدا عادي!!؟ ابتسمت
وقالت متوقع يحصل شنو مثلآ!! قال ليها ولا شيء! المهم ي ستي لاقيت جاركم وصحبتك!؟
وحكى ليها كل الحصل..وطمئنها إنو بعد القاضي يحدد جلسة السماع حيمشي يجيبهم
بنفسو!؟ قالت ليهو كويس! ربنا يسهلا علينا! قال ليها تاني حصل شيء! صرت حواجبينها
وقالت زي شنو مثلا!؟ شال نفسو وقال ليها الليلة الصباح زرت امك!؟ لمن قامت من
الكرسي ودمعتها جرت وقالت ليهو الحاصل عليها شنو؟ وكيف صحتها!؟ مسكها من يدها وقال
ليها م تخافي حتتعالج بس الصدمة كانت قوية عليها ولسسه م مجمعة الحصل!؟ مرة تقول
خارجيات ومره تتكلم عنكم وكانكم قدامها!!رغد بكت بحرقة وقالت ليهو امي جنت يعني!؟
قال ليها لا بس ف حالة صدمة ومع العلاجات المناسبة حتبقى كويسة...وقال ليها بعدا
ابدي لملمي حاجاتك طعتك قربت!؟ ابتسمت وشالت نفس سخخخن وقالت ليهو م اتخيلت اني
اطلع من هنا غير ع حبل المشتقة!؟ بس الفضل بيرجع ليك...قال ليها العفو ياخ الفضل
لرب العالمين وانا م طبقت إلا العدالة ولو كنتي مذنبة حوديك المشنقة بيدي!؟ قالت
ليهو يدك تلمس شباك النبي يارب...ابتسم وقال ليها جمعا يارب...بس اول خليني امسك
لي مره ف يدي وبعداك نزور البيت الحرام مع بعض!؟ م قدرت ترد وهو بعاين ليها..قال
وين سرحتي!؟ قالت ربنا يسهل امرك! م سرحت معاك...طلع منها وقال ليها ح امشي ع
المحكمة اشوف الجلسة إتحددت متين وحنتلاقي قريب..وخلي بالك من نفسك!؟ قربت تقول
ليهو خليك شوية ياخ!؟ بس خجلت وطلع من المكتب وهي لاحقاهو بعيونها!؟ وفعلا مشير
وإتحددت الجلسة بعد اسبوع وإتصل ع مروة يوريها واكدت حضورها بس لم إتصل ع جيران
ناس رغد اول م ردو وبعداك قفلو التلفون!؟ الزمن إتأخر عشان يزورهم ف البيت فرجع
بيتو وقال من الصباح حيغشاهم وكان قلبو م مطمئن وفعلا من الصباح دور عربينو ومشى
ليهم ف البيت بس لقى الدار خلا!! ومقفلين بيتهم وم عارفهم مشو وين!؟ ف إتعقدت
الحكاية!!
نواصل بعدين
،،،،،،،،،،،،،،،،،،،،،،،،،،،،،،،،
#لست_بمجرمة15¥
بقلم:آلاء
آدم ابراهيم¢
الخايف
منو احمد حصل! شهادة مروة براها م بتنجي رغد من العقاب! فلازم الجيران يشهدو
بالكلام السمعوة...سأل الجيران الحولينهم وقالو م شافوهم!؟ وبتاع الدكان قال شافهم
طلعو بشنطتهم بس م عارفهم ماشين ع وين!؟ واليوم كلو بحاول ف تلفوناتهم بس بدون
جدوة!؟ مشى موقف الركشات وسأل عن الراجل لانو سواق ركشة بس قالو ليهو يومين م جا!؟
بس ف واحد قال ليهو انا بعرف اخوه وشغال ف السوق الشعبي عندو محل إسبيرات!؟ وفعلا
وصف المحل لاحمد وشكرو ومشى ع المحل...لقاهو مقفل والحولينو قالو ليهو دائما بقفل
بدري تعال ليهو بكرة ف زمن ابدر من اسسه!؟ احمد لو م خايف يلفت انظار الناس كان
بات جمب الدكان للصباح!؟ بس كان مرهق شديد وخايف إنو يخذل رغد لانو المحكمة بتحكم
ع اساس الادلة المقدمة امامها ولو كان المتهم برئ بس الادلة ضدو ف حيدان للاسف!؟
رجع البيت وتاني حاول ارقامهم مقفلة وإتصل ع بتاع الدكان قال ليهو لا م شفت زول جا
ع البيت ولسسسه مقفلنو!؟ بلع ليهو حبة بندول ونام...الصباح طلع بدري وتاني لقى
المحل مقفول نفس الراجل الامس شافو وضحك قال ليهو الليلة جيت بدري شديد اصبر نص
ساعة ولا ساعة كدا وحيجي!؟ والزمن ابا يمش والدقيقة كانها سنة!؟ وفعلا بعد اقل من
ساعة جا راجل سمين ليهو كرشة بيفتح ف المحل...احمد نزل من العربية ومشى ع الراجل
وقال ليهو السلام عليكم!؟ الراجل عاين لاحمد من فوق لتحت شاف الشياكة والبدلة الما
خمج والوجاهة وقال ف سرو دا منو كمان وداير مني شنو من اول الصباح!؟ احمد إبتسم
واعاد ليهو السلام!؟ الراجل ردا وقال لاحمد إتفضل اي خدمة!؟ احمد خشى ف الموضوع
مباشرتا وقال ليهو انا المحامي احمد محمد بسأل عن اخوك فلان؛الراجل بإستغراب كدا
قال ليهو خير مالو اخوي عايز منو شنو!؟ احمد إبتسم وقال م عايز منو غير شهادتو ف
المحكمة وقال ليهو بخصوص القضية الفلانية طبعا البلد كلها عارفة القصة دي والراجل
قال ليهو ااهااا اي سمعنا انو البت الوسخة القتلت ابوها جارتهم!؟ احمد الكلمة
حرقتو بس م علق عليها لانو محتاج للمساعدة!؟ وشال نفس سخخخخن وقال ليهو ممكن
تساعدني!؟ اول الراجل إتردد بس قال ليهو والله م عارف محلو وقافل تلفونو..احمد قال
ليهو طيب لمني ف بيت اهل زوجتو ولا اي زول ممكن يكونو معاهو..الراجل قال ليهو جدا
وادا احمد رقم تلفون وقال ليهو دا حق نسابتو احمد شكرو وركب عربيتو ومشى وهو ف
الطريق إتصل ع الرقم اداهو مقفول!؟ ابتسم وقال الاخو عايز يداري لاخوة!؟ وخلاص خشي
ف حيرة وم عرف يتصرف!! والجلسة فضل ليها تلاتة ايام بس!؟ فقال بعدا ح استخدم
اساليب خاصة ف الموضوع!!؟ وهناك رغد منتظره ليهو تلاتة يوم م زارها! ف إتصل ع واحد
دفعتو بس ف جهاز الامن وقال ليهو عايزك ف خدمة ممكن!؟ داك قال ليهو جدا ي ابوحميد
إنت تأمر!! احمد قال ليهو القضية حقت البت القتلت ابوها داك قال ليهو اي اي سمعت
بيها!؟ احمد قال ليهو يلا انا ماسك القضية دي وعندي شهود وجودهم مهم شديد واختفو
وقفلو تلفوناتهم!؟ صاحبو قال ليهو عرفت المطلوب!! احمد ابتسم وقال ليهو من يومك
مجرم..داك ضحك وقال ليهو تربيتك!؟ المهم هظرو مع بعض وقال ليهو م تشيل هم الليلة
انا م شغال بس بكرة إن شاءالله ح اتعقب ليك ارقام تلفوناتهم واحدد ليك محلهم بس
إنت رسل لي الارقام...احمد قال ليهو بس ارقامهم مقفلة!؟ صاحبو ضحك وقال ليهو دا
شغلي إنت اطلع منها!! احمد إبتسم وقال ليهو مناظرك ي خوة وحددو يوم يتلاقو فيهو مع
الشلة وقفل منو!! وم كان عايز يمشي لرغد عشان يخوفها بس كان مشتاق ليها شديبيد
ومقلق!! فعلا زارها وقعد إتونس معاها ولاول مره يتغزل فيها!؟ ماشاءالله وشك منور!؟
ودي الفرحة ولامن شنو!! وإنتي طيبة وراقية وبتخشي القلب سريع!! المهم كسر ليها تلج
واداها تلميحات انو معجب بيها ف حين انو مكسر فيها عديل بس م صرح ليها بشيء!؟ وهي
نبيها شديد ولاحظت!! بس غتيتة وم حسستو بشي ولا ابدت ليهو انها معجبة بيهو ولا اي
شيء بس تتبسم وكل م ينشغل بحاجة تسترق النظر وتتأمل عيونو وملامحو ومن يعاين ليها
تدتقر راسها!؟ قعد معاها اكتر من ساعتين وكلها كانت دردشة ساي وم إتكلمو عن القضية
إلا مره ولا مرتين وكان حريص بأنو م يجيب ليها سيرة عن الجيران الإختفو!؟ بس سألها
عن نهم وإذا كانو بيتداخلو معاهم ولو عارفين ليهم اهل!؟ بس رغد هزت راسها وقالت
ليهو م بنعرفهم والله سكنو ليهم سنة واحدة بس م بيجو علينا ونحنا م بتمشي عليهم
انا مع جري الجامعة ووريتك بسبب عمايل راجل امي بطلع من الصباح وبرجع البيت بعد
المغرب! وحتى امي مع الشغل وكدا م عندها زمن تخش ع الجيران!؟ عشان كدا اي زول ف
حالو!؟قالت ليهو بس لشنو السؤال!؟ مسكها من يدها متعمد وقال ليها ماف شيء ي السمحة
بس مجرد سؤال!؟ هي إتوترت وقلبها ضرب!؟ لم حسى بيها خجلت لم وشها حمر ابتسم وقام ع
حيلو وشال جكت البدلة ف يدو والشنطة ف اليد التانية وقال ليها انا مشيت رغودة
نتلاقى بعد بكرة ف المحكمة!! م تخافي ولا تتوتري ولو سمعتي إي كلام جارح إستحملي
وم تنهاري وجاوبي ع اسئلة مولانا بكل ثقة!؟ قالت ليهو مولانا دا منو!؟ ضحك لمن كحة
وقال ليها القاضي ي سجمانة!! ابتسم وقال ليها خلي بالك من نفسك وطلع...وهي شالت
نفس عميييق ابتسمت وجا خاشي فيها الحارس بنهرة كدا قاليها قدلمي؛صرت حواجبينها
ووداها الزنزانة!؟ لم طلع منها وهو ف العربية إتصل ع صاحبو وداك قال ليهو اسسه كنت
عايز اتصل عليك،احمد قال ليهو م مشكلة اها اتحصلت ع شنو!؟صاحبو قال ليهو الجماعة
ديل خارج الولاية ف مدني ف الحتة الفلانية؛دا رقم المرة اما الراجل ف نفس المنطقة
بس متنقل زي السايق ليهو حاجة لانو الإشاره م ثابتة!؟ فعلا إتضح انهم سافرو قعدو ف
بيت اختها وهو مسك ليهو عربية هناك والشريحة م طلعها من التلفون بس معطلها وشغال
بالتانية!؟احمد قال ليهو مشكلة لكن الجلسة بعد بكرة الصباح!؟ م بقدر امشي اجيبهم
واجي!! ويمكن م يوافقو يجو معاي واصلا قانونيا م بجوز إجبار شخص ع الشهادة!؟ وم
عارف اتصرف كيف!؟ صاحبو قال ليهو خليك إنت مع قانونك الم بيطبق إلا ف المحاكم دا
وخليني انا بجيبهم ليك بطريقتي!؟ احمد قال ليهو م تتهور انا بعرفك كويس وم تجبرهم
ع الجية وكلو يتم بالزوق ي خوة!؟ صاحبو ضحك وقال ليهو حاضر ي سيد الزوق بتعامل
معاهم بكل حضاؤية يااااي!! احمد ضحك وقال ليهو تمام ي وسخ يلا كت يور فيس انا عندي
شقل كتييير!؟ وقفل منهم وبقى يتبسم وهز راسو لانو لسه صاحبو زي م هو لسه م عقل
نهائي!؟ مشى مكتبو ومرق اوراق القضية وحتى الفايل القديم الاتحكمت بيهو اعدام ورتب
اوراقو وجهز مزكرة دفاعو وشال نفس عميق وقال ربنا يسترها معاي!؟ اليوم التاني كان
صعب عليهو وكان خايف اكتر من رغد"؟ وكانها كانت قضيتو الاولى وكل شوية يمرق
الاوراق يطلع عليها ولمن سخن ورخى الكرفتة من رقبتو بالرغم من انو مكيف المكتب
شغال!؟ بس كان متوتر شديد...اما رغد السجينات لم م قدرو يفصلوها عن امل اتفقو
يهجمو عليها ف الحمام لانو امل مستحيل تخش معاها الحمام!؟ وفعلا لم طلعوهم فترة
الغدا خلت امل ف المظلة البياكلو فيها وقالت ماشة الحمام لانو تاني م بطلعوهم من
الزنزانة إلا بكرة الصباح!! فعلا مشت وهي طالعة شافت اربعة واقفات ليها برا ومن
ضمنهن السجينة الدائما بتتشاكل معاها ديك!؟ واول حاجة خطرت ليها ف بالها إنهم
حيشوه وشها وصرخت وجرت خشت الحمام وقفلت عليها!! ودلاك وراها وبيدفرو ف الباب بس م
بيقدرو يكسروه ولا يفتحوة لانها قافلاهو بجوه وهي تكورك وتنادي!؟ والسجينات طالعت
وداخلات من الحمامات بس اي زول ف حالو وم ناقصين عداوة ومشاكل!؟ تربسوها ببرا
وقالو ليها الليلة بيتي قبلك!؟ والريحة بدوخ عديل ولمن تاعت بس اخير من الدقة
وتشوية الوش!؟ وبتنادي وبتقول ساعدوني بس ف الول ماف زول إشتغل بيها بس تقريبا بعد
السجينات مشو جات واحدة تانية وفتحت ليها الباب من برا وقالت ليها اطلعي فاتو!!
برضو ابت تفتح الباب وقالت بتكون حي خدعة منهم وعايزنها تطلع!؟ وقعدت قريب النص
ساعة ولمن حلقها وجعها من المناداة والكواريك!؟ لحدي م جات امل وكانت بتفتش حمام
حمام لحدي م وصلت الفيهو رغد وقالت ف زول جوه رغد بكت وقالت ليها انا هنا امل!؟
حتى فتحت الباب وحضنتها وبكت امل ربتت ع اكتافها وقالت ليها م تخافي انا هنا!؟
ولسسسه رغد مكنكشة فيها!! امل قالت ليها زحي مني ياخ ريحتك عفنة اوووع!! رغد ضحكت
وقشت دميعاتها وطلعو من الحمامات شافتهم المشرفة ونهرتهم وثالت م سمعتو الصفارة
لشنو بتتحاومو يلا ع الزنزانة!؟ امل قالت ليها إن شاءالله يوم بكرة يكون ليك اخر
يوم هنا!؟ رغد قالت ليها امين اهل انتي المحامي عمل ليك شنو!؟امل قالت ليها سجمان
ورمدان اريتو كان احمد!؟رغد ضحكت وقالت ليها مالو كمان!؟امل قالت ليها إستأنف وقال
المحكممة فضل ليها تحدد مواعيد للجلسة وقال لي حتتحول من قتل عمد لشبة عمد إلا م
بعرف كان كلامو صحي ولا لا!؟رغد قالت ليها إن شاءالله حتطلعي من هنا وحنتلاقى برا
وحنكون صحبات!؟ امل ضربت رغد ف كتفها وقالت ليها واسه م صحبات يعني!؟ رغد ضحكت
وقالت ليها اكيد صحبات بس اقصد نتلاقي ف ظروف تانية!؟ امل ابتسمت وقالت ليها ع
سريرك ياخ وبطي كلامك الكتير دا!؟ رغد مشت سريرها وكانت خليفة والبنات بحمرن ليها
ساي!؟ وبتقول الله يستر م يخنقني ف سريري وانا نايمة...واليوم مرا ع كدا واحمد م
شاف النوم بعيونو!؟ قام من الفجر صلا الصبح ودعى اخوة ضحك وقال ليهو اقسم بالله
اول مره اشوفك متجرس كدا!؟ سموك الخسرت القضية الليلة!؟ احمد شترو بالشبشب وداك
جرا بيضحك!؟ لبس وربط الكرفتة وشال الروب بتاع المحاماة ف يدو وطلع وصل لقى
المحكمة خلا!! ماف زول جا! إتصل ع صاحبو بتاع الجهازبس م ردا بكون نايم!؟ إتصل ع
مروة قالت ليهو بتجهز وبتطلع طوالي!؟ وفضل منتظر! هناك رغد طلعوها من الزنزانة
ودعت امل وحضنتها شديد... وودوها المكتب وعملو ليها إجراءات الترحيل للمحكمة وختمو
الورق وكلبشوها وركبوها الدفار بتاع ترحيل السجينات وإتوجهو ع المحكمة،إتصل ع
صاحبو تاني بس برضو م بيرد وقال بكون م قدر يقنعهم بالجية ولا م لقاهم..فبحاول
يجرجر الزمن عشان القاضي يأجل القضية لجلسة تلنية!؟ شوية كدا والعربية جابت رغد
نزلوها مكلبشة عاينت لاحمد وكانت خايفة ومتوترة!؟ قال ليها م تخافي...ودخلوها وهو
عاين للزمن وشاف فضل اقل من ربع ساعة للجلسة وشهودو لسه م جو!! إتجه ع المحكمة
وقبل م يخش مروة قالت استاذ احمد!! إتلفت عاين ليها لمن ابتسم وقالت ليهو معليش
المواصلات كانت صعبة!؟ قال ليها م مشكلة المهم إنك جيتي!؟ وخشو قاعة المحكمة
مع بعض!! لم شافت رغد ف قفص الاتهام بكت وجرت عليها ومسكتها من اصابعها وبتبكي!؟
احمد قال ليها اهدي ومسكها وقعدها ف محل الشهود!؟ القاضي دخل وإطلع ع اوراق القضية
وطلب من الإتهام يقدم مزكرتو وفعلا كان ود لذينة وعندو حنكة م معيناهو الحكومة
لازم يتجدع!؟ وطلب من القاضي يوقوع ع رغد اشد العقوبة لانها قتلت ابوها بكل دم
بارد وانها اتحكنت اعدام ولازم يتنفذ الحكم وكلام كتيييير؟!نواصل بعدين.
--------------------------
#لست_بمجرمة16¥ والاخيييييرة
بقلم:آلاء
آدم إبراهيم¢
احمد
إتوتر وإرتبك وبعاين لرغد وهي ف القفص،القاضي بعد سمع ورقة الإتهام طلب رد المتهمة
وطلعوها من القفص وطلعت ف المنصة ووجه ليها التهمة مباشرتآ وسألها إذا كانت مذنبة
سكت وبطنها وجعتها واتزكرت امها ونظرات الناس ليها!؟ القاضي ب نهرة كدا رغد
عبدالرحمن هل مصرة ع اقراراتك السابقة بإرتكاب الجريمة!؟ وم هو ردك ع الإدعاء.!؟؟
احمد بقول ليها إتكلمي جاوبي!! بصوت بيرجف وشبه معدوم قالت لست بمجرمة سيدي
القاضي!! ونفت كل التهم الموجه ليها!!؟ محامي الإدعاء قال تكذب سيدي القاضي!؟ احمد
قال اعترض سيدي القاضي م بحق لحضرة المحامي توجية اي تهم لموكلتي بدون حق!؟ القاضي
قال الإعتراض مقبول!؟ وطلب من محامي الدفاع تقديم مزكرتو!؟ احمد شال نفس سخن
وإتلفت عاين لرغد وقال سيدي القاضي إن موكلتي تعرضت لاسواء ضروب الإستغلال
والعنف!؟ سيدي القاضي ان موكلتي سلبت منها برأة طفولتها!؟ محامي الإتهام قال سيدي
القاضي وم دخل طفلتها بالقضية!؟ فإن محامي الدفاع يماطل لا اكثر...القاضي قال
لاحمد خش ف صلب الموضوع ي استاذ!؟ احمد قال سيدي القاضي ان المجني علية ليس والد
المتهمة!!؟ الحاضرين الجلسة ضحكو وهرجلو والمحامي التاني داك ضحك!؟ القاضي ضرب
بمطرقتو وقال هدوء هدوء الجماعة سكتو!! والقاضي قال لاحمد وضح كلام استاذ!؟ احمد
حكي للقاضي ملخص القصة وطلع فحوصات طبيبة بتثبت انو رغد واخوانها جيناتهم الوراثية
م مطابقة!؟ محامي الإتهام قال للقاضي سيدي القاضي وهل هذا سبب يبيح لها قتلة!؟ هل
لمجرد انه ليس والدها الحقيقي تقوم بقتلة!؟ وبتلك الطريقة الوحشية!؟ احمد ابتسم
وقال سيدي القاضي هذا م اردت توضيحة لكم!؟ ف موكلتي لم تقتل المجني علية،بل كان
دائما م يتحرش بها ويضايقها مرارآ وتكرارآ والافظع من ذلك يسمي والدها قانونيآ!؟
فتاني احمد حكي التصرفات الكان بيعملها راجل ام رغد والناس كل شوية تجوط وتهرجل
لانو كلام م منطقي وم بنتقبلو كسودانين!؟ والقاضي يسكت فيهم واداهم اخر إنذار وإلا
حيطلعهم من قاعة المحكمة وتكون الجلسة سرية مغلقة!! وحتى محامي الإتهام إعترض ع
كلام احمد بس احمد قال عندو م يثبت ادعائو وطلب حضور مروة لمنصة الشهادة والقاضي
وافق!؟ وفعلا جات وكانت خايفة واحمد سألها عن الشي العارفاهو وجاوبت وتاني محامي
الإتهام سألها وهرشها وضغط عليها بالاسئلة عشان يكذبها والقاضي متابع!؟ وتاني سمحو
لاحمد يستجوبها للمرة الاخيرة وسألها واكدت للمحكمة تصرفات المجني عليه ع صحبتها
وبعداك إستجوبها القاضي للمرة الاخيرة واخذ اقوالها وقبل شهادتها!؟ كدا احمد اثبت
انها م بتو واثبت انو كان بضايقها وبيتحرش بيها!؟ بس كيف يثبت انها م قتلت!؟ ولسسه
الجيران الشهود م منهم خبر!؟ القاضي سألهم إذا ف اي طرف عندو إضافة!؟ وسأل احمد عن
باقي شهودو!؟ وقبل م يرد بالباب الداخلي للمحكمة البيدخل بيهو القاضي والمتهم
والحاجب!؟ جا داخل صاحبو بتاع الامن ومعاهو الجار ومرتو!؟ وغمز لاحمد احمد إبتسم!؟
القاضي قال شنو الفوضة دي يعني كيف اثناء الجلسة تجو داخلين المحكمة وكمان من
الباب الخاص!!؟ احمد إستخدم الحيلة وقال بنأسف سيدي القاضي ولكن تحقيقآ للعادلة
ومحافظتآ ع سلامة الشهود لقد إضطررنا لذلك ف اعذرنا سيدي!! القضاي إمتعض الحكاية
بس مشاها ليهو!؟ ياداب احمد نفسو اتفتحت ولمن بقي يلعلع وإستدعى المرا وادلت
بشهادتها والراجل نفس الشيء ومحامي الإتهام إستجوبهم والقاضي برضو سألهم وسأل رغد
إذا فعلا راجل امها كان بيعمل ليها كدا!؟ والجلسة جرت اكتر من تلاتة ساعات!؟
القاضي طلب من محامي الدفاع والإتهام تقديم المرافعات الختامية!؟ وسمعهم ورفع
الجلسة لمدة ساعة عشان يصدر الحكم!؟ احمد قعد وجسمو كلو بينتف موية!! اما رغد
الشرطي مرقها من قفص الإتهام ودخلوها جوة مروة جات لاحمد وقالت ليهو شكرا ليك م
قصرت م صحبتي!؟ ابتسم وقال ليها دا الواجب،وقام قال ليها عايز اشوف رغد وفعلا دخل
ليها لقاها حاجزنها ف مكتب وبرا ف حرس!؟ خشى ليها وكانت متوترة وخايفة شديد!؟ قال
ليها م تخافي رغودة انا معاك إن شاءالله تطلعي برأة وحتى لو تاني اتحكمتي اعدام
لاسمح الله برضو ح استأنف الحكم وإن شاءالله نصل المحكمة العليا بس م بخليهم
يعدموك!! مسكتو من يدو وقالت شكرا ليك احمد لولاك م كنت عارفة حسوي شنو!؟
ابتسم
وقال ليها العفو دا واجبي وكلو ب حقو!! ضحكت وقالت ليهو م تقول عايز قروش!؟ ضحك
وقال ليها القروش بشيلها من النيابة العامة بس إنتي عليك شيء تاني!؟ صرت حواجبينها
وقالت بإبتسامة كدا زي شنو مثلا!؟ قال ليها امممم زي كوب نسكافي ف محل ظريف
كدا!!؟ ضحكت وقالت ليهو كدي ربنا يمرقني من الكفوة دي اول!؟ قال ليها بتطلعي إن
شاءالله!؟ شالت نفس عميق وقالت ليهو طيب لو طلعت عايزه اغير اسمي من اسم راجل امي
لاسم ابوي الحقيقي..قال ليها صعب م حتقدري!؟ قالت ليهو لشنو م بقدر امي حتشهد لي!؟
قال ليها عندنا ف قانون الاحوال الشخصية الام م بتشهد لمولدها انو ولد فلان وإلا
يوافقها والدو المشهود ليهو بالولد!؟ وف الحالة دي ابوك ميت عشان يقر إنك بتو!؟
وإلا تمشي لاعمامك الحقيقين وتقولي ليهم انا بت اخوكم المات من24سنة واحتمال
ينكورك عشان كدا الموضوع معقد!؟ قالت ليهو بحاول اتصرف بس مستحيل اخد اسم
عبدالرحمن بعد اليوم...قالت ليهو بالهفة كدا نسيت اسألك!؟ انت قلتا للقاضي امي هي
القتلت طيب امي حتتعدم يعني!؟ ابتسم وقال ليها ي غبية وريتك قبل كدا!امك عندها
مادتين ف القانون الجنائي بيدعنها ممكن ندفع ليها بحق الدفاع الشرعي لانو راجلها
إتهجم عليكم!ي قتل شبه عمد بسبب الإستفزاز الشديد المفاجي لانها شافت راجلها بتحرش
ببتو المربيها ودا كفيل بأنها تقتلو وتقتل حبوبتو كمان!؟ ف إنتي م تخافي؛قال ليها
عن اذنك عايز اشوف صاحبي،وطلع منها لقى صاحبو ماف بس إتصل عليهو وشكرو ع المساعدة
وقال ليهو جبتهم كيف!؟ داك ضحك وقال ليهو هرشتهم بس رسلت ليهم بتاع امن من مدني
وقال ليهم نحنا مراقبنكم وشهادتكم مهمة واحسن تمشو معانا بالتي هي احسن ولا
نجيكمةبامر قبض!؟وجو معانا احمد ضحك وقال ليهو من يومك مغضوب بس م قصرت والله!؟
وقال ليهو مع السلامة الجلسة مواعيدها جات قفل منو ودخل ع المحكمة ودخلو رغد
والقاضي جا ورغد رجولها برجفو من الخوفة واحمد بعاين ليها واتوتر بس م كتير!
القاضي قال مقدمتو المعروفة ونظرا لما قدم لدي من ادلة وبعد دراستنا لوقائع الادلة
لقد اصدرنا الحكم التالي حكمت المحكمة حضوريا ع المتهمة رغد عبدالرحمن بالبرأة من
كافة التهم الموجها إليها،ذاد كم قرار كدا وقال رفعت الجلسة..وبين مؤيد ومستنكر
للحكم علت الاصوات والكواريك ورغد قعدت ف الواطا بتبكي احمد ياداب قدر يشيل نفسو
ومشى ليها وقال قومي ي عروس الليلة ليلتك!! ومروة جاتها جارية فرحانة وحضنتها،وشاف
الجيران الشهود مشى شكرهم وقال ليهم لولاكم لم قدنا نبرئها فشكرا مره تانية! ومشي
يشيل منطوق الحكم! وكان بيتكلم مع المحامين وباركو ليهو إنجازو ولم رجع م لقى زول
ولا حتى رغد!؟ احتار بتكون مشت وين!؟ إتصل ع مروة تلفونها مقفول قال بتكون مشت
المستشفي لامها لم مشى قالو خرجو الام ومشت مع اخوانها مشي بيتهم لقاهو مقفل ومع
خيلانها ماف تاني رجع لمروة قالت ليهو إفترقنا ف المحكمة وم عارفاها!واتوتر شديد
وسايق عربيتو وم عارف يمش وين!؟قال مستحيل ترجع السجن وم بتعرف زول غير خيلانها
ومروة!فإتوكل ودور عربيتو ع ناس مروة لم وصل البيت اتصل ومن قالت الو قال ليها
اديها التلفون!؟ ضحكت وادتها التلفون ردت وهي بتتبسم!قال ليها النزيلة445قالت نعم
قال ليها مطلوب القبض عليك!؟ ضحكت وقالت تاني! عملت شنو ياربي!؟قال ليها سرقتي
قلبي ي بت الناس! سكتت وكانت مغطية وشها من شدة الفرح والخجل! قالت ليهو بس قلبك!؟
ضحك وقال ليها عقلي وروحي وعمري وكل شيء م خليتي لي إلا القانون ف راسي!! فبتمنى
انك تعطعي علي وتقبلي انك تكوني سندي ونصفي التاني! شالت نفس سخن وقالت ليهو فيك
شنو مميز يخليني اوافق! ابتسم وقال ليها م عندي مليارات ولا صف عربات ولا بصل درجة
جمالك،بس عندي قلب محب وحسوي المستحيل عشان اسعدك!ابتسمت ودموعها جرو وقال ليها
قلتي شنو؟قالت وانا معجبة بيك بس م كنت متخيلة نصل للمرحلة دي وانا قاطعها قال
ليها انتظري ممكن تطلعي تقوليها لي برا! اتخلعت ونططت عيونها قالت ليهو انت واقف
برا! قال ليها منتظرك!فعلا طلعت جري لقتو واقف ركبت العربية وقال ليها اها قلتي لي
انتي شنو؟ ابتسمت وقالت ليهو انت عارف؟قال ليها حابي اسمعها منك؟غطت وشها وقالت
ليهوبسرعة كدا! وانا كمان بحبك وموافقة اتزوجك!ختى يدينو ف وشو ودنقر ف الدركسون
لمن البوري بقى يضرب وهي تضحك وتقول ليهو ي مجنون قوم بتلفت الانظار!طلع كلباش من
الشنطة وكلبش يدها ف يدو وهي بتضحك وقالت ليهو دا شنو؟قال ليها عشان م تهربي مني
تاني لحدي م تبقي مرتي!ضحكت لمن وقعت ع كتفو وساق العربية وإتحركو بدون م يحدد وجه
معينة بس المهم انهم كانو مع بعض،بتسأل فيهو موديها وين بس هو مداغل م عايز يرد
وعامل فيها مطنش! وهي تضحك وتخبط فيهو وهو بيتبسم! ومشو ف طريقهم..
#النهاية!
جميلة جدا وباقة بس النهاية ما واقعية
ردحذف